لاہور سے معروف ٹک ٹاکر ایک مرتبہ پھر اسلحہ کی نمائش کرنے پر گرفتار

کاشف ضمیر کا اعتراف جرم ،معافی مانگنے کا ویڈیو بیان بھی سامنے آگیا

بدھ 2 جولائی 2025 18:53

لاہور سے معروف ٹک ٹاکر ایک مرتبہ پھر اسلحہ کی نمائش کرنے پر گرفتار

لاہور (اُردو پوائنٹ اخبارتازہ ترین - این این آئی۔ 02 جولائی2025ء) لاہور سے معروف ٹک ٹاکر کاشف ضمیر کو ایک بار پھر اسلحہ کی نمائش کرنے پر گرفتار کرلیا گیا ۔رپورٹ کے مطابق کاشف ضمیر کی چند روز سے باوردی مسلح گارڈز کی ویڈیوز سوشل میڈیا پر وائرل ہورہی تھیں جس پر ایکشن لیتے ہوئے کاشف ضمیر اور اس کے سکیورٹی گارڈز کے خلاف تھانہ سی سی ڈی میں مقدمات درج کیے گئے۔

(جاری ہے)

کاشف ضمیر کے خلاف اسلحہ کی نمائش سمیت دیگر دفعات کے تحت مقدمات درج کیے گئے۔ کاشف ضمیر کو سی سی ڈی اقبال ٹائون نے گرفتار کیا۔ ٹک ٹاکر کے ساتھ سی سی ڈی نے اس کے 13گارڈز کو بھی گرفتار کیا۔کاشف ضمیر کے گارڈز سے اسلحہ بھی قبضہ میں لے لیا گیا ہے جس کے بعد کاشف ضمیر کا اعتراف جرم اور معافی مانگنے کا ویڈیو بیان بھی سامنے آگیا ہے۔یاد رہے کہ اس سے قبل بھی کاشف ضیر کو مختلف مقدمات کا سامنا رہا ہے اور انہیں گرفتار کیا جاچکا ہے۔