دوسرا ٹیسٹ، آسٹریلیانے ویسٹ انڈیز کے خلاف دوسرے ٹیسٹ میچ کے پہلے دن کے اختتام پر اپنی پہلی اننگز میں 286 رنز بناکر آئوٹ ہوگئی

جمعہ 4 جولائی 2025 09:10

گرینیڈا (اُردو پوائنٹ اخبارتازہ ترین - اے پی پی۔ 04 جولائی2025ء) آسٹریلیاکی ٹیم میزبان ویسٹ انڈیز کے خلاف دوسرے ٹیسٹ میچ کے پہلے دن کے اختتام پر اپنی پہلی اننگز میں 286 رنز بنا کر آئوٹ ہوگئی ۔ ایلکس کیری 63 اور بیو ویبسٹر60رنز بناکر نمایاں رہے۔ کم روشنی کے باعث پہلے دن کا کھیل متاثر ہوا اور میچ کا پہلے دن کا کھیل مقررہ وقت سے پہلے ختم کر دیا گیا۔

ویسٹ انڈیز کی جانب سے الزاری جوزف نے چار ،جیڈن سیلز نے دو جبکہ شیمرجوزف،جسٹن گریوز اور اینڈرسن فلپ نے ایک ،ایک کھلاڑی کو آئوٹ کیا۔ دونوں ٹیموں کے درمیان نیشنل کرکٹ سٹیڈیم، سینٹ جارج ، گرینیڈامیں تین میچوں کی سیریز کا دوسرا میچ شروع ہوا تو آسٹریلین ٹیم کے کپتان پیٹ کمنز نے ٹاس جیت کر پہلے بیٹنگ کا فیصلہ کیا۔

(جاری ہے)

آسٹریلیا کی اننگز کا آغاز مایوس کن رہا جب اس کی پہلی تین وکٹیں 50 کے مجموعی سکور پر گرگئیں ۔

اوپنر عثمان خواجہ 16،ثام کونسٹاس 25 اور سٹیوسمتھ 3 رنز بناکر پویلین لوٹ گئے۔کیمرون گرین بھی 26 رنز بناکر جیڈن سیلز کی گیند پر روسٹن چیس کے ہاتھوں کیچ آئوٹ ہوگئے۔ٹراوس ہیڈ 29رنز بناکر آئوٹ ہوگئے ۔ اس کے بعد ایلکس کیری نے 63 رنز کی اننگز کھیل کر ٹیم کو سنبھالا دیا۔ کپتان پیٹ کمنز 17 رنز بناکر آئوٹ ہوئے۔مچل سٹارک 6 رنز بناکر پویلین لوٹ گئے، بیو ویبسٹر60رنز کی اننگز کھیل کر اپنی ٹیم کی پوزیشن کچھ بہتر بنادی۔

نیتھن لیون آخری آئوٹ ہونے والے کھلاڑی تھے جو 11 رنز بناکر آئوٹ ہوگئے۔جوش ہیزلووڈ 10 رنز کے ساتھ ناٹ آئوٹ رہے۔ یوں آسٹریلیاکی ٹیم میچ کے پہلے دن کے اختتام پر اپنی پہلی اننگز میں 286 رنز بنا کر آئوٹ ہوگئی۔ویسٹ انڈیز کی جانب سے الزاری جوزف نے چار ،جیڈن سیلز نے دو جبکہ شیمرجوزف،جسٹن گریوز اور اینڈرسن فلپ نے ایک ،ایک کھلاڑی کو آئوٹ کیا۔ واضح رہے کہ پہلے دن کا کھیل کم روشنی کے باعث مقررہ وقت سے پہلے ختم کر دیا گیا۔\932