اتنا ظلم کرو جتنا تم میں خدا کا عذاب برداشت کرنیکی طاقت ہے، حسیب اللہ نے ٹیم میں منتخب نہ ہونے پر ذومعنی پوسٹ شیئر کردی

وکٹ کیپر بیٹر نے آسٹریلیا میں ہونیوالی ٹاپ اینڈ ٹی 20 سیریز کے لیے پاکستان شاہین اسکواڈ سے باہر ہونے کے بعد انسٹاگرام پر ذو معنی پیغام شیئر کیا

ذیشان مہتاب اتوار 13 جولائی 2025 14:00

اتنا ظلم کرو جتنا تم میں خدا کا عذاب برداشت کرنیکی طاقت ہے، حسیب اللہ ..

لاہور (اُردو پوائنٹ تازہ ترین اخبار ۔ 13 جولائی 2025ء ) پاکستان کے نوجوان وکٹ کیپر بیٹر حسیب اللہ نے پاکستان شاہین اسکواڈ سے باہر ہونے پر ذومعنی پوسٹ شیئر کردی۔

وکٹ کیپر بیٹر نے آسٹریلیا میں ہونے والی ٹاپ اینڈ ٹی 20 سیریز کے لیے پاکستان شاہین اسکواڈ سے باہر ہونے کے بعد انسٹاگرام پر ذو معنی پیغام شیئر کیا ہے، سیریز 14 سے 24 اگست تک شیڈول ہے۔

مڈل آرڈر بیٹر محمد عرفان خان کی قیادت میں 15 رکنی اسکواڈ میں ملک کے ابھرتے ہوئے ٹیلنٹ کو شامل کیا گیا ہے جس میں دو وکٹ کیپر خواجہ نافع اور محمد غازی غوری شامل ہیں۔

شاہینز اسکواڈ کے اعلان کے فوری بعد حسیب اللہ نے شاید انسٹاگرام پر عدم اطمینان کا اظہار کیا ہے۔

انہوں نے پوسٹ میں لاوارث سپر کار کی تصویر شیئر کی اور لکھا کہ ’چاہے آپ کتنے اچھے کیوں نہ ہوں، اگر آپ کسی غلط جگہ پر ہیں تو آپ بیکار ہیں۔

(جاری ہے)

حسیب اللہ نے ایک اور اسٹوری میں لکھا کہ ’اتنا ظلم کرو جتنا تم میں خدا کے عذاب کو برداشت کرنے کی طاقت ہے، کیونکہ صبر کا معاملہ خدا کا معاملہ ہوجاتا ہے۔