باغبانوں کو موسم برسات میں امرود کو پھل کی مکھی سے بچانے کےلئےحفاظتی اقدامات کرنے کی ہدایت

بدھ 9 جولائی 2025 16:05

فیصل آباد (اُردو پوائنٹ اخبارتازہ ترین - اے پی پی۔ 09 جولائی2025ء) باغبانوں کو موسم برسات میں امرود کو پھل کی مکھی سے بچانے کےلئےحفاظتی اقدامات کرنے کی ہدایت کی گئی ہے ۔

(جاری ہے)

ڈپٹی ڈائریکٹرمحکمہ زراعت توسیع عدیل احمد نے کہا کہ یہ مکھی پھل کے اندر اپنا ڈنگ داخل کر کے انڈے دیتی ہے جن سے چھوٹی چھوٹی سنڈیاں پیدا ہوکر گودے کو کھا نا شروع کر دیتی ہیں اور پھل گل سڑ جاتا ہے۔انہوں نے امرود کے باغبانوں کو ہدایت کی کہ وہ ابتدائی علامات ظاہر ہوتے ہی فوری طور پر ماہرین زراعت یا محکمہ زراعت کے فیلڈ سٹاف کی مشاورت سے تدارکی اقدامات یقینی بنائیں تاکہ انہیں کسی مالی نقصان یا پریشانی کا سامنا نہ کرنا پڑے۔