اٹلی سے امداد لے کر ایک اور کشتی غزہ کی طرف روانہ

پیر 14 جولائی 2025 08:50

روم (اُردو پوائنٹ اخبارتازہ ترین - اے پی پی۔ 14 جولائی2025ء) فلسطین کے حامی سماجی کارکنوں اور امدادی سامان لے کر ایک اور کشتی اٹلی سے غزہ کے لیے روانہ ہوئی ہے، اس سے ایک ماہ قبل بھی ایک کشتی فلسطین پہنچی تھی جس میں سوار افراد کو اسرائیل نے حراست میں لینے کے بعد ڈی پورٹ کر دیا تھا۔فرانسیسی نیوز ایجنسی اے ایف پی کے مطابق ’فریڈم فلوٹیلا کولیشن‘ کی دی ہنڈالا نامی کشتی اتوار کو اٹلی کے شہر سسلی سے روانہ ہوئی جس میں 15 افراد سوار تھے۔

روانگی کے وقت بندرگاہ پر متعدد افراد الوداع کہنے کے لیے موجود تھے جنہوں نے فلسطین کے جھنڈے اٹھا رکھے تھے اور وہ ’فلسطین کو آزاد کرو‘ کے نعرے لگا رہے تھے۔کشتی میں طبی سامان، خوراک اور بچوں کی دوائیاں رکھی گئیں اور وہ ایک ہفتے کے سفر کے بعد غزہ کے ساحل پر پہنچے گی۔

(جاری ہے)

مارچ میں اسرائیل نے مذاکرات میں ڈیڈ لاک کے بعد امداد کی ناکہ بندی کرد ی تھی جسے مئی میں جزوی طور پر کھولا گیا۔

یہ کشتی جنوب مشرقی اٹلی کے گلیپولی میں رکے گی جہاں بائیں بازو کی فرانس انبوڈ پارٹی (ایل ایف آئی) کے دو ارکان کے سوار ہونے کی امید ہے۔یہ اقدام میڈلین نامی ایک اور کشتی کی روانگی کے چھ ہفتے بعد ہوا ہے جو اٹلی سے گریٹا تھنبرگ سمیت امداد اور کارکنوں کو لے کر غزہ کے لیے روانہ ہوئی تھی۔ اسرائیلی حکام نے غزہ کے ساحل سے 185 کلومیٹر مغرب میں میڈلین کو روک لیا تھا۔

Facebook Twitter Google + Share on Whatsapp

اٹلی سے امداد لے کر ایک اور کشتی غزہ کی طرف روانہ

متعلقہ عنوان :

مزید بین الاقوامی خبریں