معروف ریلسر گولڈ برگ 3 دہائیوں بعد ریٹائر،کیریئر کا آخری میچ نہ جیت سکے

پیر 14 جولائی 2025 22:00

لندن(اُردو پوائنٹ اخبارتازہ ترین - آن لائن۔ 14 جولائی2025ء)ورلڈ ریسلنگ انٹرٹینمنٹ کے مشہور و معروف ریلسر گولڈ برگ 3 دہائیوں بعد ریٹائر ہوگئے، وہ اپنے کیریئر کا آخریمیچ نہ جیت سکے۔12 جولائی کو اپنے آخری میچ میں ڈبلیو ڈبلیو ای کے ورلڈ ہیوی ویٹ چیمپئن گنٹھر اور گولڈ برگ کے درمیان مقابلہ تھا جسے دیکھنے کیلیے پرجوش شائقین کی بڑی موجود تھی، ایونٹ کا انعقاد گولڈ برگ کے آبائی شہر اٹلانٹا میں ہوا تھا۔

(جاری ہے)

کیریئر کے ا?خری ریسلنگ مقابلے میں گولڈ برگ اور گنٹھر کے درمیان مقابلہ تھوڑا محتاط انداز میں شروع ہوا، ورلڈ ہیوی ویٹ چیمپئن مسلسل گولڈ برگ کے زخمی گھٹنے کو نشانہ بناتے رہے۔چیمپئن بننے کی سرتوڑ کوشش میں گولڈ برگ نے اپنے مخصوص داؤ Spear اور جیک ہیمر کا بھی استعمال بھی مگر دفاعی چیمپئن نے ان کے ہر حربے کو ناکام بنا دیا۔ورلڈ ہیوی ویٹ چیمپئن شپ کے لیے ہونے والا مقابلہ بالا?خر گنٹھر کے نام رہا، 58 سالہ گولڈ برگ کو گنٹھر نے سلیپر سب مشن داؤ کے ذریعے ہرایا، مقابلے کے دوران گنٹھر کی گولڈ برگ کے بیٹے سے بحث بھی ہوئی۔

میچ سے قبل گولڈ برگ اپنے دوستوں کے ساتھ رنگ میں ا?ئے جبکہ 14 منٹ دورانیے کے میچ کے بعد گولڈ برگ کے خاندان کے افراد اور دوست رنگ میں جمع ہوئے اور ریسلر نے الوداعی جملے ادا کیے۔

Facebook Twitter Google + Share on Whatsapp

معروف ریلسر گولڈ برگ 3 دہائیوں بعد ریٹائر،کیریئر کا آخری میچ نہ جیت سکے

متعلقہ عنوان :

مزید کھیلوں کی خبریں