آسٹریلیا سے بدترین شکست، ویسٹ انڈیز ٹیسٹ کرکٹ کے دوسرے کم ترین سکور محض 27 رنز پر ڈھیر

اس سے قبل نیوزی لینڈ کی ٹیم 1955ء میں آکلینڈ میں انگلینڈ کے خلاف 26 رنز پر آؤٹ ہوئی تھی

ذیشان مہتاب منگل 15 جولائی 2025 10:22

آسٹریلیا سے بدترین شکست، ویسٹ انڈیز ٹیسٹ کرکٹ کے دوسرے کم ترین سکور ..

جمیکا (اردو پوائنٹ تازہ ترین اخبار ۔ 15 جولائی 2025ء ) آسٹریلیا نے تیسرے اور آخری ڈے نائٹ ٹیسٹ میچ میں ویسٹ انڈیز کو 176 رنز سے ہرا دیا۔

ویسٹ انڈیز ٹیم دوسری اننگز میں صرف 27 رنز بنا سکی جو ٹیسٹ کرکٹ کی گزشتہ 70 سال کی تاریخ میں مکمل ٹیسٹ اننگز کا دوسرا کم ترین ٹوٹل ہے۔

ویسٹ انڈیز ٹیم کم ترین ٹیسٹ اننگز کے گزشتہ 70 سالہ پرانے ریکارڈ کے قریب پہنچ گئی تھی، اس سے قبل نیوزی لینڈ کی ٹیم 1955ء میں آکلینڈ میں انگلینڈ کے خلاف 26 رنز پر آؤٹ ہوئی تھی۔

اس کے علاوہ جنوبی افریقی ٹیم 2 مرتبہ 30، 30 رنز پر آؤٹ ہو چکی ہے۔

ویسٹ انڈیز کے ریکارڈ 7 کھلاڑی ایک اننگز میں صفر پر آؤٹ ہوئے اور 4 بیٹرز گولڈن ڈک کا شکار ہوئے۔

آسٹریلوی فاسٹ بولر اسکاٹ بولینڈ نے ہیٹ ٹرک کی ۔

(جاری ہے)

مچل اسٹارک نے اپنے 100 ویں ٹیسٹ میں 400 وکٹیں مکمل کیں۔

سٹارک نے اپنے 100 ویں ٹیسٹ میچ میں کیرئیر کی بہترین بولنگ کی اور انہوں نے 9 رنز دے کر 6 وکٹیں حاصل کیں، وہ مین آف دی میچ قرار پائے۔

آسٹریلیا نے پہلی اننگز میں 225 اور دوسری اننگز میں 121 جب کہ ویسٹ انڈیز نے پہلی اننگز میں 143 اور دوسری اننگز میں 27 رنز بنائے۔

آسٹریلیا نے ویسٹ انڈیز میں 3 ٹیسٹ میچز کی سیریز 0-3 سے اپنے نام کی۔

Facebook Twitter Google + Share on Whatsapp

آسٹریلیا سے بدترین شکست، ویسٹ انڈیز ٹیسٹ کرکٹ کے دوسرے کم ترین سکور محض 27 رنز پر ڈھیر

اس سے قبل نیوزی لینڈ کی ٹیم 1955ء میں آکلینڈ میں انگلینڈ کے خلاف 26 رنز پر آؤٹ ہوئی تھی

متعلقہ عنوان :

مزید کھیلوں کی خبریں