فوڈ اینڈ ایگریکلچر آرگنائزیشن کے چار رکنی وفد کاپی سی سی ایم ڈیپارٹمنٹ کا دورہ

بدھ 16 جولائی 2025 20:00

لاہور (اُردو پوائنٹ اخبارتازہ ترین - اے پی پی۔ 16 جولائی2025ء) اقوام متحدہ کے ذیلی ادارے فوڈ اینڈ ایگریکلچر آرگنائزیشن کے چار رکنی وفد نے پرائس کنٹرول ڈیپارٹمنٹ کا دورہ کیا،سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ نے وفد کو محکمانہ امور بارے بریفنگ دی، ایف اے او کے وفد اور محکمہ پرائس کنٹرول کے صوبے میں فوڈ سکیورٹی ، کوالٹی اور سٹوریج پالیسی کو عالمی معیار کے مطابق بنانے پر اتفاق کیا۔

وفد ارکان کا کہنا تھا کہ نے گندم کی امدادی قیمت کی بجائے فری مارکیٹ سے کاشتکاروں کو فائدہ حاصل ہوگا۔ سیکرٹری پرائس کنٹرول نے عالمی ادارے سے صوبے میں سبزیوں اور پھلوں کی فوڈ گریڈنگ کے حوالے سے معاونت کی درخواست کی، ڈاکٹر احسان بھٹہ کا کہنا تھا کہ سبزیوں اور پھلوں کو عالمی و لوکل منڈیوں میں گریڈنگ کی مناسبت سے فروخت منافع بخش عمل ہے۔

(جاری ہے)

فوڈ سکیورٹی ،فوڈ سیفٹی ، ایگریکلچر مارکیٹنگ، کماڈیٹیز مینجمنٹ اور کنزیومر پروٹیکشن کونسل جیسے ادارے یکجان کیے گئے ہیں، حکومت پنجاب نے محکمہ پرائس کنٹرول اینڈ کماڈیٹیز مینجمنٹ کو وسیع اور مربوط ادارہ بنایا ہے، فوڈ اینڈ ایگریکلچر آرگنائزیشن کے ارکان نے محکمانہ امور کو نئے خطوط پر استوار کرنے کے عمل کو سراہا، ایڈیشنل سیکرٹری ایڈمن، ڈی جی پامرا، فوڈ ڈائریکٹوریٹ ، ای اینڈ ایم سمیت الائیڈ اداروں کے افسران بھی موجود تھے۔