ژ* الیکشن کمیشن نے جمشید دستی کی نااہلی پر ضمنی الیکشن کا شیڈول جاری کردیا

این اے 175 مظفر گڑھ میں ضمنی الیکشن 10 ستمبر کو ہوگا،امیدوار کاغذات نامزدگی 23 سے 25 جولائی تک جمع کرواسکیں گے، الیکشن کمیشن

جمعرات 17 جولائی 2025 20:00

I اسلام آباد(اُردو پوائنٹ اخبارتازہ ترین - آن لائن۔ 17 جولائی2025ء) الیکشن کمیشن نے جمشید دستی کی نااہلی پر ضمنی الیکشن کا شیڈول جاری کردیا ہے۔الیکشن کمیشن کا کہنا ہے کہ این اے 175 مظفر گڑھ میں ضمنی الیکشن 10 ستمبر کو ہوگا، امیدوار کاغذات نامزدگی 23 سے 25 جولائی تک جمع کرواسکیں گے۔26 جولائی کو امیدواروں کی پہلی فہرست جاری کی جائے گی، یکم اگست تک کاغذات نامزدگی کی جانچ پڑتال کی جائے گی۔

(جاری ہے)

ترجمان الیکشن کمیشن کا کہنا ہے کہ 5 اگست تک کاغذات منظور یا مسترد کرنے سے متعلق اپیلیں دائر کی جاسکیں گی، ایپلٹ ٹریبونل 12 اگست تک اپیلوں پر فیصلہ کرے گا۔الیکشن کمیشن کا کہنا ہے کہ 13 اگست کو امیدواروں کی نظرثانی لسٹ جاری کی جائے گی، 15 اگست تک امیدوار کاغذات نامزدگی واپس لے سکیں گے۔ترجمان کا کہنا ہے کہ 16 اگست کو امیدواروں کو انتخابی نشان الاٹ کیے جائیں گے، محمد اویس ارشاد ڈی ا?ر او، خضر ظہر ا?ر او ہوں گے۔واضح رہے کہ الیکشن کمیشن نے رکن قومی اسمبلی جمشید دستی کو نااہل قرار دیتے ہوئے تعلیمی اسناد جعلی قرار دی تھیں، فیصلے میں جمشید دستی کے خلاف اسپیکر قومی اسمبلی کا ریفرنس منظور کرلیا گیا تھا۔