حرا مانی کی نامناسب لباس میں تصاویر وائرل؛ سوشل میڈیا صارفین بھڑک اٹھے

مسلمان ہو کر اس طرح کی نمائش شرم آنی چاہیے،سوشل میڈیا صارفین نے نامناسب لباس پر حرا مانی کو آڑے ہاتھوں لے لیا

جمعہ 18 جولائی 2025 13:00

حرا مانی کی نامناسب لباس میں تصاویر وائرل؛ سوشل میڈیا صارفین بھڑک اٹھے

کراچی(اُردو پوائنٹ اخبارتازہ ترین - این این آئی۔ 18 جولائی2025ء)حرا مانی کی ساڑھی میں تصاویر نے سوشل میڈیا پر تہلکہ مچا دیا۔ صارفین نے اداکارہ کا یہ انداز ایک آنکھ نہ بھایا۔ابھرتی ہوئی معروف اداکارہ حرا مانی جو اپنے لباس اور بیانات کے باعث اب متنازع بنتی جا رہی ہیں ایک بار پھر سوشل میڈیا پر کڑی تنقید کی زد میں ہیں۔اس بار بھی کچھ نہیں ہے۔

حرا مانی نے اپنی تصاویر شیئر کی ہیں جس میں انھوں نے بغیر آستین والی ساڑھی پہن رکھی ہے۔

(جاری ہے)

نیلے اور گلابی رنگ کی بنارسی ساڑھی میں حرا مانی کافی اچھی نظر آ رہی ہیں لیکن ان کا یہ انداز ان کے مداحوں کو پسند نہ آیا۔مختصر بلاوز اور ہوشربا انداز کے باعث سوشل میڈیا صارفین نے حرا مانی کو یاد دلایا کہ وہ کس مذہب کی پیروکار اور کس ثقافت سے تعلق رکھتی ہیں۔

ایک صارف نے غصے میں لکھا کہ مسلمان ہو کر اس طرح کی نمائش شرم آنی چاہیے جب کہ دوسرے نے طنزا کہا کہ حرا کو بولڈنس کے سوا کچھ اور نہیں آتا۔ایک اور صارف نے لکھا کہ میں حرا کی فین تھی مگر اب دل ٹوٹ گیا ہے عزت خود کمانی پڑتی ہے، یوں برباد نہیں کی جاتی۔حرا مانی اپنی سوشل میڈیا پوسٹس پر ہونے والی تنقید کو سنجیدگی سے نہیں لیتیں۔ یہی وجہ ہے انھوں نے کبھی کسی کا جواب نہیں دیا۔