چین انٹرنیٹ صارفین کی تعداد ایک ارب 12کروڑ سے تجاوز کر گئی

پیر 21 جولائی 2025 21:33

بیجنگ(اُردو پوائنٹ اخبارتازہ ترین - این این آئی۔ 21 جولائی2025ء)چین میں رواں سال جون تک انٹرنیٹ صارفین کی تعداد ایک ارب 12کروڑ سے تجاوز کر گئی۔چینی خبررساں ادارے کے مطابق چائنا انٹرنیٹ نیٹ ورک انفارمیشن سینٹرکی پیر کوجاری رپورٹ میں بتایا گیا ہے کہ جون 2025تک چین میں انٹرنیٹ کی رسائی کی شرح 79.7فیصد تک پہنچ گئی، جو دسمبر 2024کے مقابلے میں 1.1فیصد پوائنٹ زیادہ ہے۔

(جاری ہے)

رپورٹ کے مطابق چین نے 14ویں پانچ سالہ منصوبے (2021-25)کے دوران انٹرنیٹ کے شعبے میں نمایاں ترقی حاصل کی ہے ،جون 2025تک چین میں 60سال اور اس سے زیادہ عمر کے انٹرنیٹ صارفین کی تعداد 16.1کروڑ تک پہنچ گئی۔اسی وقت تک دیہی علاقوں میں رہنے والے انٹرنیٹ صارفین کی تعداد 32.2کروڑ ہو گئی ۔ ان طبقات میں انٹرنیٹ کی رسائی کی شرح بالترتیب 52فیصد اور 69.2فیصد تک پہنچ گئی۔