چیئرمین سینیٹ سید یوسف رضا گیلانی کا بنگلہ دیش ایئر فورس کے تربیتی طیارے کے المناک حادثے پر اظہار افسوس

منگل 22 جولائی 2025 19:16

اسلام آباد (اُردو پوائنٹ اخبارتازہ ترین - این این آئی۔ 22 جولائی2025ء)چیئرمین سینیٹ سید یوسف رضا گیلانی نے بنگلہ دیش ایئر فورس کے تربیتی طیارے کو پیش آنے والے افسوسناک حادثے پر گہرے دکھ اور افسوس کا اظہار کیا ہے۔سینیٹ سیکرٹریٹ کی جانب سے جاری بیان کے مطابق چیئرمین سینیٹ نیحادثے میں قیمتی انسانی جانوں کے ضیاع پر دلی رنج و غم کا اظہار کرتے ہوئے کہا کہ یہ واقعہ پوری انسانیت کے لیے ایک دلخراش سانحہ ہے۔

(جاری ہے)

انہوں نے بنگلہ دیشی حکومت، پارلیمنٹ اور عوام کے ساتھ مکمل یکجہتی کا اظہار کرتے ہوئے کہا کہ دکھ کی اس گھڑی میں پاکستانی قوم اپنے بنگلہ دیشی بھائیوں کے ساتھ کھڑی ہے۔سید یوسف رضا گیلانی نیجاں بحق افراد کے اہل خانہ سے دلی ہمدردی اور تعزیت کا اظہار کرتے ہوئے مرحومین کی مغفرت، درجات کی بلندی اور لواحقین کے لیے صبر جمیل کی دعا کی۔چیئرمین سینیٹ نے حادثے میں زخمی ہونے والوں کی جلد صحتیابی کے لیے بھی نیک تمناؤں کا اظہار کیا۔