جامعہ زرعیہ کے ماہرین کی کاشتکاروں کو گلاب کے پودے درختوں سے دور لگانے کی ہدایت

بدھ 23 جولائی 2025 13:56

فیصل آباد (اُردو پوائنٹ اخبارتازہ ترین - اے پی پی۔ 23 جولائی2025ء) جامعہ زرعیہ کے ماہرین ہارٹیکلچر و فلوریکلچرنے پھولوں کے کاشتکاروں کو گلاب کے پودے درختوں سے دور لگانے کی ہدایت کی ہے تاکہ ان پر درختوں کا سایہ نہ پڑ سکے اور کہاہے کہ گلاب کے پودے لگانے کیلئے ایسی جگہ کاانتخاب کیاجائے جہاں کم از کم 6 گھنٹے روزانہ دھوپ رہتی ہو کیونکہ گلاب کے پھول کو جسے کوئین آف فلاورز بھی کہاجاتاہے اپنی بڑھوتری کیلئے 24 گھنٹوں کے دوران کم از کم 6 گھنٹے دھوپ کی اشد ضرورت ہوتی ہے اور اس کیلئے مناسب درجہ حرارت 20 سے25ڈگری سینٹی گریڈ تک ہوتاہے تاہم 28 ڈگری سینٹی گریڈ سے زیادہ درجہ حرارت ہونے پر پھولوں کی پیداوار میں کمی بھی رونما ہو سکتی ہے۔

(جاری ہے)

انہوں نے کہاکہ گلاب کی مختلف اقسام کو مختلف انواع کی زمینوں اور آب و ہوا میں کاشت کیاجاسکتاہے۔ انہوں نے کہاکہ گلاب نہ صرف ملکی بلکہ بین الاقوامی سطح پر بھی اپنی مسحور کن خوشبو و خوبصورتی کے لحاظ سے بہت زیادہ پسند کیاجاتاہے۔

Facebook Twitter Google + Share on Whatsapp

جامعہ زرعیہ کے ماہرین کی کاشتکاروں کو گلاب کے پودے درختوں سے دور لگانے کی ہدایت

مزید زراعت کی خبریں