مجھے میرے ہی گھر میں ہراساں کیا جارہا ہے،تنوشری دتہ نے روتے ہوئے ویڈیو شیئر کردی

بدھ 23 جولائی 2025 23:38

ممبئی (اُردو پوائنٹ اخبارتازہ ترین - این این آئی۔ 23 جولائی2025ء)بالی ووڈ اداکارہ تنوشری دتہ اپنے ہی گھر میں خود کو غیر محفوظ محسوس کرنے لگیں، روتے ہوئے ویڈیو شیئر کر دی۔انسٹاگرام پر اداکارہ نے می ٹو کے ہیش ٹیگ کیساتھ ویڈیو شیئر کی ہے جس میں انہوں نے کسی نام لئے بغیر خود کے ہراسانی کا شکار ہونے کا بتایا۔ ویڈیو کے کیپشن میں انہوں نے لکھا میں ہراسانی کی اس اذیت سے تنگ آگئی ہوں، یہ 2018 سے جاری ہے، آج عاجز آ کر میں نے پولیس کو بلا لیا۔

انہوں نے مدد کی اپیل کرتے ہوئے لکھا کہ براہِ کرم کوئی میری مدد کرے، اس سے پہلے کہ بہت دیر ہو جائے۔سوشل میڈیا پر شیئر کی گئی ویڈیو میں اداکارہ نے روتے ہوئے بتایامجھے اپنے ہی گھر میں ہراساں کیا جا رہا ہے، میں نے ابھی پولیس کو کال کی ہے اور مجھے پولیس سٹیشن بلالیا گیا ہے اور باضابطہ شکایت درج کروانے کو کہا گیا ہے۔

(جاری ہے)

میں شائد کل یا پرسوں جا کر شکایت درج کرواؤں گی، کیونکہ میری طبیعت ٹھیک نہیں ہے۔

انہوں نے کہا کہ مجھے 4، 5 سالوں سے اتنا پریشان کیا گیا کہ میری طبیعت خراب ہوگئی۔ میں لئے کام کرنا تک مشکل ہوگیا ہے، میں کچھ کرنے کے قابل نہیں رہی میرا گھر برباد ہوگیا، اپنے گھریلو ملازمین کی خدمات بھی نہیں لے سکتی کیونکہ انہوں نے میرے گھر میں ملازمین کو بھی خرید لیا ہے۔ملازمین بھی مجھے ہراساں کرتے ہیں، چوریاں کرکے مجھے پریشان کرتے ہیں، میں اپنے ہی گھر میں ہراساں ہو رہی ہوں براہِ کرم میری مدد کریں۔