پاکپتن، نامعلوم افراد نے کمسن بچے کو تیز دھار آلے سے قتل کردیا

ہفتہ 26 جولائی 2025 04:25

پاکپتن (اُردو پوائنٹ اخبارتازہ ترین - این این آئی۔ 26 جولائی2025ء)پاکپتن میں نامعلوم افراد نے کمسن بچے کو تیز دھار آلے سے قتل کردیا۔پولیس کے مطابق کرمانوالہ چوک میں گزشتہ روز نامعلوم افراد نے ساڑھے 4سالہ محمد احمد کو گلا کاٹ کر قتل کردیا۔

(جاری ہے)

ایف آئی آر کے مطابق بچے کی والدہ اپنے بیٹے کو بچوں کے ساتھ کھیلتا چھوڑ کر سودا سلف لینے گئی تھی، واپس آنے پر دیکھا کہ بچہ زخمی حالت میں زمین پر پڑا تھا۔بچے کو فورا تشویش ناک حالت میں ٹیچنگ ہسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گیا۔پولیس نے بچے کی والدہ کی مدعیت میں مقدمہ درج کرلیا ہے۔