وائس چیئرمین ایل ڈی اے کی زیر صدارت اجلاس، نیلا گنبد پارکنگ پلازہ کے ڈیزائن اور تعمیراتی پلان بارے بریفنگ

بدھ 30 جولائی 2025 23:20

لاہور (اُردو پوائنٹ اخبارتازہ ترین - اے پی پی۔ 30 جولائی2025ء) وائس چیئرمین ایل ڈی اے میاں مرغوب احمد اور ڈی جی ایل ڈی اے طاہر فاروق کی زیر صدارت ٹیپا آفس میں اہم اجلاس منعقد ہوا جس میں چیف انجینئر ٹیپا اقرار حسین نے بریفنگ دی۔ ترجمان کے مطابق اجلاس میں نیلا گنبد پارکنگ پلازہ کے ڈیزائن اور تعمیراتی پلان بارے بریفنگ دی گئی۔اجلاس کو بتایا گیا کہ ٹیپا ستمبر کے پہلے ہفتے سے نیلا گنبد پارکنگ پلازہ کی تعمیر کا آغاز کرے گا،نیلا گنبد پارکنگ پلازہ 16 کنال پر تعمیر کیا جائے گا جس میں زیر زمین تین بیسمنٹ پر پارکنگ پلازہ اور بیسمنٹ میں دکانیں بنائی جائیں گی،نیلا گنبد پارکنگ پلازہ میں 374 گاڑیوں اور 790موٹر سائیکلوں کی پارکنگ کی گنجائش ہوگی۔

پارکنگ پلازہ میں پارکنگ مینجمنٹ سسٹم، فائر فائٹنگ سسٹم، سی سی ٹی وی، واش رومز سمیت دیگر سہولیات میسر ہوں گی،پارکنگ پلازہ کی حدود میں آنے والی دکانیں زیر زمین مارکیٹ میں بنائی جائیں گی۔

(جاری ہے)

ڈی جی ایل ڈی اے نے کہا کہ شہر کے مصروف ترین علاقے میں پارکنگ پلازوں کی تعمیر سے شہریوں کو سہولت ملے گی۔بعدازاں وائس چیئرمین ایل ڈی اے میاں مرغوب احمد اور ڈی جی ایل ڈی اے نے نیلا گنبد مارکیٹ کا دورہ کیا، اس موقع پرنیلا گنبد مارکیٹ تاجروں کو منصوبے بارے تفصیلی بریفنگ دی گئی۔

وائس چیئر مین ایل ڈی اے نے کہاکہ تمام سٹیک ہولڈرز کو آن بورڈ کر رہے ہیں، علاقے میں مثبت تبدیلی آئے گی اورمتاثرہ دکانداروں کو ایک سال کا بزنس لاس ملے گا۔اس موقع پر ڈائریکٹر ٹیپا، ڈائریکٹر ٹریفک انجینئرنگ اور متعلقہ افسران بھی موجود تھے۔

Facebook Twitter Google + Share on Whatsapp

وائس چیئرمین ایل ڈی اے کی زیر صدارت اجلاس، نیلا گنبد پارکنگ پلازہ کے ڈیزائن اور تعمیراتی پلان بارے بریفنگ

متعلقہ عنوان :

مزید قومی خبریں