بانی پی ٹی آئی سے ملاقاتوں پرعلیمہ خان کی حکمرانی ،اسٹیبلشمنٹ سپورٹ دلواکر آگے لاناچاہتی ہے، شیرافضل مروت

جمعرات 2 اکتوبر 2025 20:45

اسلام آباد (اُردو پوائنٹ اخبارتازہ ترین - این این آئی۔ 02 اکتوبر2025ء)رکن قومی اسمبلی شیرافضل مروت نے کہا ہے کہ اسٹیبلشمنٹ علیمہ خان کو سپورٹ دلوا کر آ گے لانا چاہتی ہے۔نجی ٹی وی سے گفتگو کرتے ہوئے شیر افضل مروت نے کہا کہ بانی پی ٹی آئی سے ملاقاتوں پر ان کی بہن کی حکمرانی ہے۔ علی امین کے مخالف گروپ کو مسلسل ملاقاتیں دلوائی گئیں، وہ عملاً پارٹی کا کنٹرول سنبھال چکی ہیں۔

(جاری ہے)

انہوں نے کہا کہ جنیداکبر کو علی امین کے بغض میں لایا گیا ، کچھ لوگ وزیراعلی خیبرپختونخوا کو ہٹانا چاہتے ہیں، پی ٹی آئی میں تقسیم اپریل2024سے زیادہ ہوئی، علیمہ خان کوتشویش تھی کہ بشری بی بی کا پارٹی پر قبضہ ہوگا۔انہوں نے کہا کہ بانی کونتھیاگلی ریسٹ ہائوس منتقل کرنے کی ڈیل ہوچکی تھی، علی امین اسٹیبلشمنٹ کو گارنٹی دے رہے تھے بانی کو لیکرجائیں گے، اس گارنٹی میں امریکن اوورسیز بھی شامل تھے۔