پرتگال اور جرمنی کا بھی فلسطین کو ریاست تسلیم کرنے کا عندیہ

پرتگال ایک خود مختار ملک ہے اور اس کی پالیسی دوسرے ملکوں سے نہیں جڑی،وزیرخارجہ

جمعہ 1 اگست 2025 12:30

برلن(اُردو پوائنٹ اخبارتازہ ترین - این این آئی۔ 01 اگست2025ء)برطانیہ اور فرانس کے بعد مزید 3 یورپی ممالک پرتگال، جرمنی اور مالٹا نے بھی فلسطین کو ریاست تسلیم کرنے کا اشارہ دے دیا۔

(جاری ہے)

پرتگال کے وزیر خارجہ پاولو رینگل نے کہا ہے کہ وہ آئندہ ماہ کے آغاز میں فلسطین کو تسلیم کرنے کی تیاری میں ہیں، مغربی ایشیا کی صورتِ حال کو قریب سے مانیٹر کر رہے ہیں۔پاولو رینگل نے کہا کہ پرتگال ایک خود مختار ملک ہے اور اس کی پالیسی دوسرے ملکوں سے نہیں جڑی۔دوسری جانب جرمن وزیر خارجہ نے کہا ہے کہ اگر دو ریاستی عمل کے لیے مذاکرات شروع نہ ہوئے تو جرمنی فلسطین کو تسلیم کرنے کے لیے غور پر مجبور ہوگا۔