علی سیٹھی کے منفرد لباس اور انداز پر تنقید

یہ مرد ہو کر لباس خواتین والے کیوں پہنتے ہیں ، سوشل میڈیا صارفین

پیر 4 اگست 2025 22:36

علی سیٹھی کے منفرد لباس اور انداز پر تنقید

کراچی (اُردو پوائنٹ اخبارتازہ ترین - این این آئی۔ 04 اگست2025ء)علی سیٹھی اپنے نئے گانے میں منفرد لباس اور انداز سے سوشل میڈیا پر تنقید کی زد میں آگئے۔علی سیٹھی نے حال ہی میں اپنا نیا گانا ’برائڈ گروم‘ ریلیز کیا جو انسٹاگرام پر ایک پوسٹ کے ذریعے شیئر کیا گیا، پوسٹ میں علی سیٹھی کو زرد رنگ کے اسکرٹ میں دیکھا گیا، جو گانے کے جذباتی پس منظر کو ظاہر کرتا ہے۔

(جاری ہے)

گلوکار نے اس گانے کو ایک ایسی دلہن کے جذبات سے جوڑا جو اپنے دوستوں سے اپنے دولہے کے بارے میں سوال کرتی ہے۔تاہم علی سیٹھی کا یہ خواتین سے متاثرہ لباس بہت سے صارفین کو نہ بھا سکا اور سوشل میڈیا پر اس پر شدید تنقید دیکھنے میں آئی۔کئی صارفین نے علی سیٹھی پر ’خفیہ ایجنڈا‘ پورا کرنے کا الزام بھی لگایا۔بعض نے کہا، ’یہ مرد ہو کر لباس خواتین والے کیوں پہنتے ہیں ‘ تو کسی نے پوچھا، ’اس پیلے اسکرٹ کے پیچھے کیا کہانی ہی ‘۔