وفاقی حکومت کے نان ٹیکس ریونیو میں 1998 ارب روپے کا اضافہ ریکارڈ

عوام سے پیٹرولیم لیوی کی مد میں1220 ارب روپے وصول ہوئے‘دستاویز

بدھ 6 اگست 2025 12:10

لاہور(اُردو پوائنٹ اخبارتازہ ترین - این این آئی۔ 06 اگست2025ء)وفاقی حکومت کے نان ٹیکس ریونیو میں 1998 ارب روپے کا اضافہ ریکارڈ کیا گیا ہے۔دستاویز کے مطابق گزشتہ مالی سال نان ٹیکس آمدن 4959 ارب روپے تک پہنچ گئی،گزشتہ مالی سال پیٹرولیم لیوی حکومت کی آمدن کا بڑا ذریعہ رہی۔دستاویز کے مطابق گزشتہ سال پیٹرولیم لیوی کی مد میں 1220 ارب روپے وصول ہوئے،2023-24 کے دوران پیٹرولیم لیوی کا حجم 1019 ارب روپے رہا تھا،حکومت نے رواں سال پیٹرولیم لیوی سے 1468 ارب روپے آمدن کا تخمینہ رکھا گیا ہے۔

(جاری ہے)

وزارت خزانہ کے مطابق گزشتہ سال کے مقابلے پیٹرولیم لیوی سے آمدن میں 248 ارب اضافہ متوقع ہے،اس سال پیٹرولیم لیوی کی شرح میں بتدریح اضافہ متوقع ہے،حکومت پیٹرولیم مصنوعات پر 78 روپے فی لیٹرتک لیوی وصول کررہی ہے،اس سال پیٹرولیم لیوی کی شرح میں بتدریح اضافہ متوقع ہے۔کلائمیٹ سپورٹ لیوی کی مد میں 48 ارب روپے الگ سے ملیں گے،رواں سال پیٹرول،ڈیزل پر 2.50 روپے فی لیٹر کلائمیٹ سپورٹ لیوی عائد ہے،گزشتہ سال نان ٹیکس ریونیو کا دوسرا بڑا ذریعہ اسٹیٹ بینک کا 2619 ارب کا منافع رہا،رواں مالی سال کے دوران نان ٹیکس ریونیو 5147 ارب روپے تک جانے کا تخمینہ ہے۔