Live Updates

مریم نوازنے مختلف اضلاع میں الیکٹرو بس پروگرام کے لانچنگ شیڈول کی منظوری دیدی

ہفتہ 4 اکتوبر 2025 16:13

لاہور(اُردو پوائنٹ اخبارتازہ ترین - این این آئی۔ 04 اکتوبر2025ء)وزیراعلی پنجاب مریم نوازنے مختلف اضلاع میں الیکٹرو بس پروگرام کے لانچنگ شیڈول کی منظوری دے دی۔وزیراعلی پنجاب مریم نوازکی زیرصدارت مختلف محکموں کاجائزہ اجلاس ہوا،اجلاس میں انہوں نے دسمبر تک پنجاب میں 1ہزار 115الیکٹروبسیں فنکشنل کرنے کی ہدایت کی ،ڈپٹی کمشنرز کو الیکٹرو بس چارجنگ سٹیشن قائم کرنے کے لئے اقدامات کی ہدایت بھی کی گئی ،الیکٹرو بس نے قلیل مدت میں عوامی مقبولیت کے ریکارڈ قائم کر دئیے۔

(جاری ہے)

مریم نوازنے سیلاب متاثرہ علاقوں میں اچھی کارکردگی پرمحکمہ صحت کوشاباش دی،بریفنگ میں بتایا گیاکہ سیلاب کے دوران متاثرہ علاقوں میں ساڑھے گیارہ لاکھ افرادکا علاج معالجہ کیاگیا،وزیر اعلیٰ نے 65لاکھ بچیوں کی سرویکل کینسر ویکسی نیشن مکمل ہونے پر اطمینان کا اظہار کیا۔وزیراعلی مریم نواز نے خصوصی افراد کے گھروں تک پہنچنے اورمددکا طریق کاروضع کرنیکا حکم دیتے ہوئے صوبہ بھر میں اسپیشل افراد کا ڈیٹا مکمل کرنے کے لئے محکموں کو اشتراک کار کی ہدایت کر دی ۔