آوارہ کتوں کے بڑھتے حملے، ینگ ڈاکٹرز ایسوسی ایشن کا ہائیکورٹ سے رجوع

ہفتہ 4 اکتوبر 2025 16:11

لاہور (اُردو پوائنٹ اخبارتازہ ترین - این این آئی۔ 04 اکتوبر2025ء) پنجاب میں آوارہ کتوں کے بڑھتے حملوں اور ریبیز ویکسین کی عدم دستیابی پر ینگ ڈاکٹرز ایسوسی ایشن نے لاہور ہائیکورٹ سے رجوع کر لیا۔ینگ ڈاکٹرز ایسوسی ایشن نے ایڈووکیٹ محمد اظہر صدیق کے توسط سے آئینی درخواست دائر کی جس میں شہریوں کو ریبیز ویکسین نہ ملنے اور حکومتی نااہلی کو چیلنج کیا گیا ہے۔

(جاری ہے)

درخواست میں موقف اختیار کیا گیا کہ پنجاب بھر میں آوارہ کتوں کے حملوں میں خطرناک اضافہ ہو چکا ہے جبکہ ویکسین نہ ملنے سے شہریوں کے بنیادی حقوق، آئین کے آرٹیکل 9اور 14کے تحت زندگی اور انسانی وقار کے تحفظ کی خلاف ورزی ہو رہی ہے۔درخواست گزار نے عدالت سے استدعا کی ہے کہ حکومت کو ABCپالیسی 2021ء پر عملدرآمد کا پابند بنایا جائے اور تمام سرکاری ہسپتالوں میں ریبیز ویکسین کی فوری فراہمی کو یقینی بنایا جائے۔درخواست میں مزید کہا گیا ہے کہ عوامی تحفظ اور انسانی وقار کے تحفظ کے لیے عدالتی مداخلت ناگزیر ہے اس لیے عدالت متعلقہ محکموں سے جواب طلب کرے اور ٹھوس اقدامات کا حکم جاری کرے۔