باغبان ماہ اگست کے دوران پیوند کاری کا عمل جاری رکھنے سمیت باغات میں پودوں کے ناغوں کا بھی جائزہ لیں، محکمہ زراعت

بدھ 6 اگست 2025 17:04

فیصل آباد (اُردو پوائنٹ اخبارتازہ ترین - اے پی پی۔ 06 اگست2025ء) محکمہ زراعت نے ہدایت کی ہے کہ باغبان رواں ماہ اگست کے دوران کھٹی کی پنیری لگانے کاعمل مکمل کرلیں اور ترشاوہ پودوں کو نائٹروجن کی تیسری قسط بھی ڈال دیں تاکہ ترشاوہ پھلوں کی شاندار پیداوار کاحصول ممکن ہوسکے۔نظامت زرعی اطلاعات محکمہ زراعت کے ماہرین نے کہا کہ باغبان ماہ اگست کے دوران پیوند کاری کا عمل جاری رکھیں اور باغات میں پودوں کے ناغوں کا بھی جائزہ لیں۔

(جاری ہے)

انہوں نے کہاکہ اگر باغات اور نرسریوں میں کیڑے مکوڑوں یا بیماریوں کی کوئی علامات ظاہر ہوں تو فوری طور پر محکمہ زراعت کے فیلڈ سٹاف کی مشاورت سے مناسب سپرے بھی کیا جائے۔ انہوں نے بتایاکہ اکثر اوقات مون سون کی بارشوں یا موسم برسات کے دوران پودوں کے تنوں سے گوند نکلنا شروع ہو جاتی ہے لہٰذا اسے کسی تیز دھار آلے سے اتارکر زخموں پر بورڈ و پیسٹ لگادینا چاہیے تاکہ پودے کا معیار متاثر نہ ہو۔انہوں نے بتایاکہ مزید رہنمائی کیلئے محکمہ زراعت توسیع کے فیلڈ سٹاف کی خدمات سے بھی استفادہ کیاجاسکتاہے۔

Facebook Twitter Google + Share on Whatsapp

باغبان ماہ اگست کے دوران پیوند کاری کا عمل جاری رکھنے سمیت باغات میں پودوں کے ناغوں کا بھی جائزہ لیں، محکمہ زراعت

متعلقہ عنوان :

مزید زراعت کی خبریں