اسلام آباد سمیت شمال مشرقی پنجاب، خطہ پوٹھوہار، بالائی خیبر پختونخوا، گلگت بلتستان، کشمیر میں چند مقامات پر تیز ہواؤں اور گرج چمک کے ساتھ بارش کا امکان ہے، محکمہ موسمیات

جمعرات 7 اگست 2025 20:30

اسلام آباد (اُردو پوائنٹ اخبارتازہ ترین - اے پی پی۔ 07 اگست2025ء) آئندہ چوبیس گھنٹوں کے دوران وفاقی دارالحکومت اسلام آباد سمیت شمال مشرقی پنجاب، خطہ پوٹھوہار، بالائی خیبر پختونخوا، گلگت بلتستان، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔محکمہ موسمیات کے مطابق گذشتہ 24 گھنٹوں کے دوران شمال مشرقی پنجاب، خطہ پوٹھوہار، اسلام آباد، کشمیر، بالائی خیبر پختونخوا اور گلگت بلتستان میں تیز ہواؤں اور گرج چمک کے ساتھ بارش (بالائی پنجاب میں چند مقامات پر موسلا دھار بارش) ہوئی جبکہ ملک کے دیگر علاقوں میں موسم گرم اور شدید حبس رہا۔

اس دوران سب سے زیادہ بارش راولپنڈی (کچہری 46، گوالمنڈی 41، چکلالہ 36، پیرودھائی 11، کٹاریاں 6، شمس آباد 4)، منگلا 35، منڈی بہاؤالدین 33، اٹک 20، اسلام آباد (بوکرہ 19، ایئرپورٹ 13، گولڑہ 8، سید پور 7، سٹی 4)، جہلم 15، سیالکوٹ ایئرپورٹ 8، سیالکوٹ سٹی 6، چکوال 5، نارووال 2، گجرات ایک، مظفرآباد (ایئرپورٹ 35، سٹی 31)، گڑھی دوپٹہ 11، مالم جبہ 20، پاراچنار 15، کاکول 5، بالاکوٹ اور بابوسر میں 3 ملی میٹر بارش ریکارڈ ہوئی۔

(جاری ہے)

جمعرات کو ریکارڈ کئے گئے زیادہ سے زیادہ درجہ حرارت کی رپورٹ کے مطابق دالبندین، نوکنڈی میں درجہ حرارت 44، سبی 43، دادو اور بھکر میں 42 سینٹی گریڈ ریکارڈ کیا گیا۔

Facebook Twitter Google + Share on Whatsapp

متعلقہ عنوان :

مزید موسم کی خبریں