برطانیہ ، جنسی زیادتی کے ملزم سے متعلق تفصیلات جاری

واقعے کی تحقیقات مکمل ہونے تک ملزم کو ضمانت پر رہا کردیا گیا،پولیس

جمعہ 8 اگست 2025 18:58

مانچسٹر(اُردو پوائنٹ اخبارتازہ ترین - این این آئی۔ 08 اگست2025ء)گریٹر مانچسٹر پولیس نے جنسی زیادتی کے الزام میں گرفتار ہوئے 24 سالہ نوجوان سے متعلق تفصیلات جاری کر دیں۔مانچسٹر پولیس کے مطابق 4 اگست کو جنسی زیادتی کی شکایت موصول ہوئی۔

(جاری ہے)

گریٹر مانچسٹر پولیس کا کہنا تھا کہ زیادتی کا واقعہ مبینہ طور پر 23 جولائی کو مانچسٹر کی حدود میں پیش آیا تھا۔مانچسٹر پولیس نے بتایا ہے کہ واقعے کے الزام میں 24 سال کے نوجوان کو گرفتار کیا گیا، واقعے کی تحقیقات مکمل ہونے تک ملزم کو ضمانت پر رہا کردیا گیا ہے۔