کاشتکار چقندر کی کاشت 15 اگست سے شروع کر کے ستمبر کے آخر تک مکمل کرلیں، محكمہ زراعت

منگل 12 اگست 2025 17:03

سمبڑیال (اُردو پوائنٹ اخبارتازہ ترین - اے پی پی۔ 12 اگست2025ء) کاشتکار چقندر کی کاشت 15 اگست سے شروع کردیں اور ستمبر کے آخر تک مکمل کرلیں۔ ان خیالات کا اظہار سینئر فیلڈ آفیسرمحكمہ زراعت سمبڑیال لیاقت علی نے کاشتکاروں کے نام اپنے ایک پیغام میں کیا۔ انہوں نے کہا کہ کاشتکار چقندر کی فی ایکڑ بہترین پیداوار حاصل کرنے کیلئے چقندر کی کاشت کا عمل 15 اگست سے شروع کر کے ستمبر کے آخر تک مکمل کر لیں۔

(جاری ہے)

انہوں نے بتایا کہ چقندر ایک انتہائی اہم، منافع بخش اور نقد آورفصل ہے۔ انہوں نے مزید کہا کہ زرعی تحقیقی اداروں کی کئی سالوں کی محنت، تجربات اور مشاہدات کے باعث چقندر کی فی ایکڑ پیداوار 7سو من سے بڑھ کر 12سو من تک پہنچ چکی ہے،اگر چقندر کی کاشت کے دوران جدید سائنسی طریقہ کاشت سے استفادہ کریں تو یہ پیداوارباآسانی 15سو من فی ایکڑ تک پہنچ سکتی ہے۔ انہوں نے کہا کہ کاشتکار چقندر کی کاشت کیلئے مزید معلومات و رہنمائی کیلئے ماہرین زراعت یا عملہ کی خدمات بھی حاصل کر سکتے ہیں۔

Facebook Twitter Google + Share on Whatsapp

کاشتکار چقندر کی کاشت 15 اگست سے شروع کر کے ستمبر کے آخر تک مکمل کرلیں، محكمہ زراعت

مزید زراعت کی خبریں