کاشتکارخشک ہونے پرکپاس کی چنائی کے بعد بی ٹی اور غیر بی ٹی اقسام کی روئی کو علیحدہ رکھیں،محکمہ زراعت

پیر 18 اگست 2025 13:16

فیصل آباد (اُردو پوائنٹ اخبارتازہ ترین - اے پی پی۔ 18 اگست2025ء) ڈائریکٹر محکمہ زراعت توسیع فیصل آبادچوہدری خالد محمودنے کہا ہے کہ کپاس میں نمی کے باعث جننگ کے دوران مسائل و مشکلات کاسامنا کرنا پڑسکتاہے لہٰذا کاشتکار فصل اور ٹینڈوں کے خشک ہونے کے بعد چنائی کریں ۔ انہوں کہاکہ کپاس کی چنائی صبح 10 بجے سورج نکلنے پر شروع کی جائے تا کہ کپاس بد رنگ نہ ہونے پائے جبکہ مذکورہ چنائی سہ پہر 4بجے بند کردی جائے۔

(جاری ہے)

انہوں نے کہا کہ کپاس کی چنائی کے لئے جھولی کے طور پر استعمال ہونے والا کپڑاسوتی ہونا چاہیے اور چنی ہوئی پھٹی کو صاف اورخشک سوتی کپڑے پر رکھا جائے اور اس کے بعد صاف، اونچی اور خشک جگہ پر اکٹھا کیا جائے تاکہ پھٹی آلودگی سے محفوظ رہ سکے۔انہوں نے کہا کہ کاشتکار چنائی کے بعد بی ٹی اور غیر بی ٹی اقسام کی روئی کو علیحدہ رکھیں نیزچنی ہوئی کپاس میں نمی، کچے ٹینڈوں، کھکھڑی، رسیاں، سوتلی اور بال وغیرہ کو ہر گزشامل نہ ہونے دیاجائے۔انہوں نے کہا کہ کپاس کو گودام میں لے جانے سے پہلے یہ تمام اشیا ہاتھوں سے چن کر نکال دی جائیں۔علاوہ ازیں چنائی کے بعد پھٹی کو ایک دو دھوپ ضرور لگوائی جائیں تاکہ نمی کو مناسب سطح پر لایا جا سکے۔

Facebook Twitter Google + Share on Whatsapp

کاشتکارخشک ہونے پرکپاس کی چنائی کے بعد بی ٹی اور غیر بی ٹی اقسام کی روئی کو علیحدہ رکھیں،محکمہ زراعت

مزید زراعت کی خبریں