فیصل آباد،سورج مکھی کے کاشتکاروں کو جڑی بوٹیوں کی تلفی، چھدرائی اور کھادوں کے بروقت استعمال کی ہدایت

پیر 18 اگست 2025 13:16

فیصل آباد (اُردو پوائنٹ اخبارتازہ ترین - اے پی پی۔ 18 اگست2025ء) محکمہ زراعت نے کاشتکاروں کوسورج مکھی کی فی ایکڑ بہتر پیداوار کے لئے جڑی بوٹیوں کی تلفی، چھدرائی اور کھادوں کے بروقت استعمال کی ہدایت کی ہے۔ نظامت زرعی اطلاعات محکمہ زراعت فیصل آباد کے ماہرین نے کہا کہ سورج مکھی کی فی ایکڑ پیداوار پر اثرانداز ہونے والے عوامل میں زیادہ توجہ طلب امر جڑی بوٹیوں کی موجودگی ہے کیونکہ ان کی کثیر تعداد اور تیز روئیدگی فصل کو خوراک، پانی اور روشنی سے محروم کر دیتی ہے۔

انہوں نے کہاکہ سورج مکھی کی فصل کے پہلے8ہفتے انتہائی اہمیت کے حامل ہیں۔ انہوں نے بتایا کہ سورج مکھی کی جڑی بوٹیاں ختم کرنے کے لئے گوڈی کی جائے یا پھر محکمہ زراعت کے مشورے سے بوٹی مار زہریں استعمال کی جائیں نیز اگر افرادی قوت موجود ہو تو گوڈی بہترین طریقہ ہے تاہم اگر گوڈی کی سہولت میسر نہ ہو تو محکمہ زراعت کے مقامی ماہرین کے مشورے سے جڑی بوٹی مار زہر کا سپرے کیا جائے۔

(جاری ہے)

انہوں نے کہاکہ اگاؤ کے بعد جب فصل چار پتے نکال لے تو فصل کی چھدرائی کی جائے اور چھدرائی کے وقت پودے سے پودے کا فاصلہ 9انچ رکھا جائے۔ انہوں نے کہاکہ پہلے اور دوسرے پانی کے ساتھ آدھی بوری یوریا اور پھولوں کی ڈوڈیاں بنتے وقت ایک بوری یوریا فی ایکڑ استعمال کرکے بہتر پیداوار کاحصول ممکن بنایاجاسکتاہے۔

Facebook Twitter Google + Share on Whatsapp

فیصل آباد،سورج مکھی کے کاشتکاروں کو جڑی بوٹیوں کی تلفی، چھدرائی اور کھادوں کے بروقت استعمال کی ہدایت

متعلقہ عنوان :

مزید زراعت کی خبریں