دی ہنڈرڈ کرکٹ کمپٹیشن میں منگل کو مزید ایک میچ کھیلا جائے گا

پیر 18 اگست 2025 16:50

لندن (اُردو پوائنٹ اخبارتازہ ترین - اے پی پی۔ 18 اگست2025ء) انگلینڈ اینڈ ویلز کرکٹ بورڈ (ای سی بی ) کے زیر اہتمام ہنڈرڈ کرکٹ کمپٹیشن کا پانچواں ایڈیشن انگلینڈ میں جاری ہے جس میں 8 ٹیمیں ٹائٹل کے حصول کے لئے ایکشن میں ہیں اور شائقین کرکٹ کو انتہائی دلچسپ اور کانٹے دار مقابلے دیکھنے کو ملیں گے۔ٹورنامنٹ میں شامل 8 ٹیموں میں ٹرینٹ راکٹس ، برمنگھم فینکس ،لندن سپرٹ ،مانچسٹر اوریجنلز،ناردرن سپر چارجرز،اوول انونسیبل،سدرن برئیو اور ویلش فائر شامل ہیں۔

ٹورنامنٹ میں (کل )منگل کو مزید ایک میچ کھیلا جائے گا،جس میں ،مانچسٹر اوریجنلز اور ٹرینٹ راکٹس کی ٹیمیں ٹرینٹ برج، ناٹنگھم کے مقام پر پنجہ آزمائی کریں گے ۔ ،مانچسٹر اوریجنلز کی ٹیم کو مایہ ناز وکٹ کیپر بلے باز فلپ سالٹ لیڈ کریں گے جبکہ ٹرینٹ راکٹس کو مایہ ناز بائولنگ آل رائونڈر ڈیوڈ ویلے لیڈ کریں گے۔

(جاری ہے)

ہنڈرڈ ایک پیشہ ورانہ 100 گیندوں پر مشتمل کرکٹ ٹورنامنٹ ہے جس میں انگلینڈ اور ویلز کے بڑے شہروں سے 8 مردوں کی ٹیمیں ٹائٹل کے حصول کے لئے پنجہ آزمائی کررہی ہیں۔

ہنڈرڈ اپنی نوعیت کا رواں موسم گرما کا پانچواں ایونٹ ہے ۔ ہنڈرڈ کا پہلا ایڈیشن کووڈ۔ 19 کی وبا کی وجہ سے ایک سال کی تاخیر سے 2021 میں شروع ہوا تھا۔ ہینڈرڈ بہت ہی مختصر فارمیٹ کا کھیل ہے جس کے ہر میچ کا دورانیہ ڈھائی گھنٹے ہے ۔ٹورنامنٹ میں فائنل سمیت 34 میچز کھیلے جائیں گے،ٹورنامنٹ کا فائنل میچ 31اگست کو لارڈز ، لندن میں کھیلا جائے گا۔\932