حیدر علی کیس ، کرکٹر کی ضمانت میں مزید دو ہفتے کی توسیع

پولیس نے حیدر علی کو دوبارہ طلب کررکھا تھا، اب پولیس سٹیشن طلبی کو دو ہفتے مزید آگے کردیا گیا ہے

ذیشان مہتاب بدھ 20 اگست 2025 12:20

حیدر علی کیس ، کرکٹر کی ضمانت میں مزید دو ہفتے کی توسیع

لندن (اردو پوائنٹ تازہ ترین اخبار ۔ 20 اگست 2025ء ) قومی کرکٹر حیدر علی کی ضمانت میں مزید دو ہفتے کی توسیع کردی گئی۔

ذرائع کا کہنا ہے کہ حیدر علی کے کیس کی تحقیقات میں زیادہ عرصہ بھی لگ سکتا ہے۔ پولیس نے حیدر علی کو دوبارہ طلب کررکھا تھا اب پولیس اسٹیشن طلبی کو دو ہفتے مزید آگے کردیا گیا ہے۔

واضح رہے کہ پولیس نے حیدر علی کو ابتدائی تحقیقات کے بعد ضمانت پر رہا کیا تھا، انہیں موبائل فون بھی پولیس نے فرانزک کے بعد واپس کردیا۔

ذرائع کا کہنا ہے کہ تحقیقات مکمل ہونے تک قومی کرکٹر برطانیہ سے باہر نہیں جاسکیں گے۔

(جاری ہے)

واضح رہے کہ مانچسٹر پولیس کا کہنا تھا کہ 4 اگست کو شکایت موصول ہوئی تھی جس کے بعد نوجوان کو حراست میں لینے کے بعد ضمانت پر رہا کیا جب کہ یہ واقعہ مبینہ طور پر 23 جولائی کو مانچسٹر کی حدود میں پیش آیا۔ واقعہ پاکستان شاہینز کرکٹ ٹیم کے حالیہ دورہ انگلینڈ کے دوران پیش آیا۔

دوسری جانب پاکستان کرکٹ بورڈ نے حیدر علی کو معطل کرتے ہوئے مؤقف اختیار کیا تھا کہ وہ مانچسٹر پولیس کے ایک کرمنل کیس میں شامل تفتیش ہیں، اس لیے انہیں فوری طور پر معطلی کا سامنا کرنا پڑا۔