محکمہ پولیس میں سروس ڈیلیوری، میرٹ اور قانون کی بالا دستی کو ہر صورت یقینی بنایا جائے گا،سی پی او خالد ہمدانی

بدھ 20 اگست 2025 21:00

راولپنڈی (اُردو پوائنٹ اخبارتازہ ترین - اے پی پی۔ 20 اگست2025ء) سٹی پولیس آفیسر سید خالد ہمدانی نے کہا ہے کہ تھانہ میں آنے والے شہریوں کے مسائل کا فوری حل یقینی بنایا جائے، سروس ڈیلیوری، میرٹ اور قانون کی بالا دستی کو ہر صورت یقینی بنایا جائے گا، راولپنڈی پولیس شہریوں کے جان و مال کے تحفظ کے ساتھ ساتھ شہریوں کو انکی دہلیز پر انصاف کی فراہمی کے لیے تمام وسائل بروئے کار لا رہی ہے۔

(جاری ہے)

ان خیالات کا اظہار انہوں نے بدھ کو راولپنڈی کے تھانوں میں منعقدہ کھلی کچہری کی سربراہی کے دوران شہریوں سے گفتگو کرتے ہوئے کیا۔سی پی او سید خالد ہمدانی نے تھانہ روات اور تھانہ کلرسیداں کے علاقہ میں کھلی کچہری کا انعقاد کیا۔ اس موقع پر ایس پی صدر،اے ایس پی صدر،اے ایس پی گوجر خان،ڈی ایس پی کہوٹہ، ایس ایچ اوز اور تفتیشی افسران بھی موجود تھے، کھلی کچہری میں سول سوسائٹی اور شہریوں نے کثیر تعداد میں شرکت کی، سی پی او نے شہریوں کے مسائل سن کر ان کے حل کے لیے موقعہ پر احکامات جاری کئے۔