نئی سعودی ایئرلائن ریاض ایئر نے اپنے بوئنگ طیارے کی تصاویر جاری کردیں

جمعرات 28 اگست 2025 14:04

ریاض(اُردو پوائنٹ اخبارتازہ ترین - این این آئی۔ 28 اگست2025ء)نئی سعودی ایئر لائن ریاض ایئر نے اپنے پہلے بوئنگ طیارے 9-787 کی تصاویر جاری کردیں۔عرب میڈیا کے مطابق ریاض ایئر اس ہفتے سے پرواز شروع کرنے کے مزید قریب پہنچ گئی ہے۔

(جاری ہے)

سعودی ایئر کی نئی فضائی کمپنی کو آپریشنز شروع کرنے کے لیے رواں سال سرٹیفکیٹ کا اجرا کردیا گیا تھا۔ریاض ایئر سعودی عرب کے پبلک انویسٹمنٹ فنڈ کی زیرِ ملکیت ہے۔ سعودی عرب کی اس نئی ایئر لائن سے توقع ہے کہ یہ 2030 تک 100 سے زیادہ مقامات تک سفر کرے گی۔عرب میڈیا کے مطابق ریاض ایئر نے ابتدائی طور پر بوئنگ کے ساتھ 39 بڑے ڈریم لائنر 9-787 طیاروں کے لیے ایک معاہدے پر دستخط کیے ہیں جس میں ایسے مزید 33 طیاروں کا بھی آپشن ہے۔