غزہ : اسرائیلی فوج کو شدید مزاحمت کا سامنا، 12 فوجی ہلاک

جھڑپوں میں ناکامی کے بعد اسرائیلی حملہ آور فورسز زیتون کے علاقے سے پسپا ہوگئیں

ہفتہ 30 اگست 2025 14:18

غزہ (اُردو پوائنٹ اخبارتازہ ترین - این این آئی۔ 30 اگست2025ء)غزہ میں حملہ آور اسرائیلی فوج کو شدید مزاحمت کا سامنا ہے، 12فوجیوں کی ہلاکت کے بعد قابض افواج پسپا ہونے پر مجبور ہوگئی۔ایرانی میڈیا کے مطابق غزہ پر حملہ آور اسرائیلی افواج کو فلسطینی مزاحمت کاروں کی جانب سے شدید مزاحمت کا سامنا ہے۔

(جاری ہے)

غزہ کے قصبے زیتون میں اسرائیلی فورسز پر مزاحمت کاروں کے پے در پے حملوں میں 12اسرائیلی فوجی ہلاک جبکہ 4 لاپتہ ہوگئے۔

جھڑپوں کے دوران شدید فائرنگ کا تبادلہ ہوا، لاپتہ اسرائیلی فوجیوں کے حوالے سے تاحال کوئی اطلاعات موصول نہیں ہوئی ہیں۔ان جھڑپوں میں ناکامی کے بعد اسرائیلی حملہ آور فورسز زیتون کے علاقے سے پسپا ہوگئی ہیں۔جھڑپوں کے دوران اسرائیلی افواج نے گن شپ ہیلی کاپٹرز اور توپ خانے بھی استعمال کیے تھے۔