دوسرا ٹی 20، زمبابوے نے سری لنکا کو 5 وکٹ سے ہرا دیا

میچ میں زمبابوین بولرز کی تباہ کن بولنگ کے سبب سری لنکن ٹیم صرف 80 رنز پر آؤٹ ہو گئی

اتوار 7 ستمبر 2025 12:10

ہراری(اُردو پوائنٹ اخبارتازہ ترین - این این آئی۔ 07 ستمبر2025ء)دوسرے ٹی 20 میچ میں زمبابوے نے سری لنکا کو 5 وکٹ سے ہرا دیا۔ہرارے میں کھیلے گئے میچ میں زمبابوین بولرز کی تباہ کن بولنگ کے سبب سری لنکن ٹیم صرف 80 رنز پر آؤٹ ہو گئی۔سری لنکا کے کامل مشرا نے 20 اور کپتان چارتھ اسالانکا نے 18 رنز کے ساتھ نمایاں بیٹر تھے۔

(جاری ہے)

زمبابویں کی طرف سے سکندر رضا اور بریڈایونز نے 3، 3 اور بلیسنگ موزار بانی نے 2 کھلاڑیوں کو پویلین کی راہ دکھائی۔

جواب میں زمبابوے نے 81 رنز کا ہدف 15 ویں اوور میں 5 وکٹ پر حاصل کر لیا، موسیٰ کیوا نے 21 اور ریان برل نے 20 رنز بنائے۔سری لنکا کی طرف دشمانتھا چمیرا نے 3 وکٹ حاصل کیں، سکندر رضا کو عمدہ بولنگ اور فیلڈنگ پر میچ کا بہترین کھلاڑی قرار دیا گیا۔دونوں ٹیموں کے درمیان 3 میچز کی سیریز 1-1 سے برابر ہو گئی