جعلی فٹبال ٹیم سیالکوٹ سے جاپان پہنچا دی گئی ، ڈی پورٹ کردیاگیا،مرکزی ملزم گرفتار

منگل 16 ستمبر 2025 20:19

لاہور(اُردو پوائنٹ اخبارتازہ ترین - این این آئی۔ 16 ستمبر2025ء)انسانی سمگلرز نے زمینی راستوں پر سختی کے بعد نیا طریقہ واردات اپنا لیا،22 افراد پر مشتمل جعلی فٹبال ٹیم سیالکوٹ ایئرپورٹ سے جاپان پہنچ گئی۔

(جاری ہے)

نجی ٹی وی نے ایف آئی اے کے حوالے سے بتایاکہ دستاویزات جعلی ثابت ہونے پرجاپان نے تمام افراد کو واپس ڈی پورٹ کردیا اورسکینڈل میں ملوث ملزم ملک وقاص کو گرفتار کرلیا گیا۔ایف آئی اے کے مطابق تھانہ ایف آئی اے گوجرانوالہ میں واقعے کا مقدمہ بھی درج کرلیا گیا۔ گرفتار ملزم نے گولڈن فٹبال ٹرائل کے نام سے فٹبال کلب کی رجسٹریشن کروائی، تمام افراد کو فٹ بال ٹیم کے کھلاڑیوں کی طرح تربیت دی گئی، ملزم نے 22 افراد سے فی کس 40 لاکھ روپے وصول کیے۔