سعودی وزیر خارجہ سے روسی ہم منصب کی ٹیلی فونک بات چیت ، مشترکہ دلچسپی کے امور پر تبادلہ خیال

منگل 9 ستمبر 2025 08:30

ریاض ، ماسکو (اُردو پوائنٹ اخبارتازہ ترین - اے پی پی۔ 09 ستمبر2025ء) سعودی وزیرخارجہ شہزادہ فیصل بن فرحان سے روس کے ہم منصب سرگئی لاوروف نے ٹیلی فون پر رابطہ کیا ہے۔ایس پی اے کے مطابق رابطے کے دوران دونوں ملکوں کے درمیان تعلقات کا جائزہ، علاقائی و بین الاقوامی صورتحال اور مشترکہ دلچسپی کے امور پر تبادلہ خیال کیا گیا۔

(جاری ہے)

علاوہ ازیں شہزادہ فیصل بن فرحان اور مصری وزیرخارجہ بدر عبد العاطی نے غزہ کی پٹی کی صورتحال کا جائزہ لیا ہے۔مصری وزارت خارجہ کے بیان میں کہا گیا کہ دونوں وزرائے خارجہ نے ٹیلی فونک رابطے میں غزہ کی صورتحال پر تبادلہ خیال کیا۔ اسرائیلی جارحیت، نہتے شہریوں کے خلاف جرائم اور بھوک کو ہتھیار کے طور پر استعمال کیے جانے کو مسترد کیا۔