Live Updates

ملک کے بیشتر علاقوں میں موسم گرم اور خشک رہنے کا امکان

ہفتہ 13 ستمبر 2025 20:21

اسلام آباد (اُردو پوائنٹ اخبارتازہ ترین - آن لائن۔ 13 ستمبر2025ء) محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے۔ تاہم کشمیر اور ملحقہ پہاڑی علاقوں میں مطلع جزوی ابر آلود رہنے کے علاوہ شام یا رات کے وقت چند مقامات پر تیز ہواو?ں اور گرج چمک کے ساتھ بارش کا امکان ظاہر کیا گیا ہے۔سیلاب سے متاثرہ پنجاب کے بیشتر اضلاع میں بھی اگلے چند روز تک موسم گرم اور خشک رہنے کی پیشگوئی کی گئی ہے۔

(جاری ہے)

محکمہ موسمیات کے مطابق گزشتہ 24 گھنٹوں کے دوران بھی ملک کے بیشتر حصوں میں موسم گرم اور خشک رہا۔ البتہ مری اور چراٹ میں ہلکی بارش ریکارڈ کی گئی۔ پنجاب کے مری میں 04 ملی میٹر جبکہ خیبرپختونخوا کے چراٹ میں 02 ملی میٹر بارش ہوئی۔ہفتہ کو ریکارڈ کیے گئے زیادہ سے زیادہ درجہ حرارت میں نوکنڈی اور دالبندین سب سے آگے رہے جہاں پارہ 42 ڈگری سینٹی گریڈ تک پہنچ گیا، جبکہ چلاس میں زیادہ سے زیادہ درجہ حرارت 41 ڈگری سینٹی گریڈ ریکارڈ کیا گیا۔