لاہور ہائیکورٹ، خاتون زیادتی کیس میں ملزم کی عبوری ضمانت کنفرم کرنے کی درخواست پر رپورٹ طلب

پیر 15 ستمبر 2025 16:15

لاہور (اُردو پوائنٹ اخبارتازہ ترین - اے پی پی۔ 15 ستمبر2025ء) لاہور ہائیکورٹ نے یوٹیوبر رجب بٹ اور دیگر کے ساتھ مل کر خاتون سے زیادتی کے درج مقدمہ میں ملزم سلمان حیدر کی عبوری ضمانت کنفرم کرنے کی درخواست پر متعلقہ ایس پی کو رپورٹ سمیت19 ستمبر کو طلب کر لیا،جسٹس جواد ظفر نے کیس کی سماعت کی،دوران سماعت تفتیشی افسر نے عدالت کو بتایا کہ ملزم سلمان حیدر تفتیش میں گنہگار ثابت ہوا ہے، مدعیہ کے وکیل نے موقف اختیار کیا کہ کیس کی تفتیش میں سنگین نقائص موجود ہیں،وکیل نے عدالت کو مزید بتایا کہ مدعیہ خاتون اور ان کی ہمشیرہ کے موبائل فونز سے تمام ڈیٹا ختم کیا گیا جبکہ ملزم سلمان حیدر مدعیہ کو دھمکیاں دے کر بار بار زیادتی کرتا رہا۔

(جاری ہے)

انہوں نے عدالت سے استدعا کی کہ ملزم کی ضمانت کی درخواست خارج کی جائے،درخواست گزار سلمان حیدر کے وکیل نے موقف اپنایا کہ تھانہ نواب ٹاون پولیس نے حقائق کے برعکس مقدمہ درج کیا اور عدالت سے درخواست کی کہ عبوری ضمانت کو کنفرم کیا جائے۔