سیالكوٹ،محكمہ لائیو سٹاك كی مویشی پال حضرات کو حاملہ بکریوں کو آخری ماہ ریوڑ سے الگ کرکے زود ہضم خوراک اور کرم کش ادویات پلانے کی ہدایت

منگل 16 ستمبر 2025 16:04

سیالكوٹ (اُردو پوائنٹ اخبارتازہ ترین - اے پی پی۔ 16 ستمبر2025ء) محكمہ لائیو سٹاک و ڈیر ی ڈویلپمنٹ نے بھیڑو بکریاں پالنے والے لائیو سٹاک فارمرز، مویشی پال حضرات کو حاملہ بکریوں کو آخری ماہ ریوڑ سے الگ کرکے زود ہضم خوراک اور کرم کش ادویات پلانے کی ہدایت کی ہے ۔ان خیالات كا اظہار ڈپٹی ڈائریکٹرمحکمہ لائیو سٹاک و ڈیر ی ڈویلپمنٹ سمبڑیال ڈاكٹرمحمد افضل نے منگل كو فامرز كے نام اپنے ایك پیغام میں كیا۔

انہوں نے کہاکہ بکری پال حضرات کو چاہیے کہ وہ محکمہ کے ماہرین کی مشاورت سے اعلیٰ پیداواری اوصا ف کی حامل علاقائی نسل کی بکریاں پالنے کو ترجیح دیں تاکہ زیادہ سے زیادہ بچوں کی پیدائش کی صلاحیت کی حامل بکریاں اپنی نسل میں بھر پور اضافہ کا باعث بنتے ہوئے دودھ و گوشت کی پیداوار کو بڑھانے میں بھی معاون ہو سکیں۔

(جاری ہے)

انہوں نے کہاکہ احتیاطی، حفاظتی و پیشگی تدارکی اقدامات کے تحت بکریوں کے باڑے میں خوردنی نمک کے ڈھیلے ضرور کھرلیوں میں رکھے جائیں تاکہ بکریاں موسمی و متعدی امراض سے محفوظ رہ سکیں۔

انہوں نے کہاکہ بکری پال حضرات بکریوں کو کرم کش ادویات ضرور دیں کیونکہ موسمی امراض بکریوں کیلئے انتہائی نقصان دہ ثابت ہو سکتے ہیں۔ انہوں نے بتایاکہ سیالكوٹ ڈویژن میں قائم لائیو سٹاک ہسپتالوں، ویٹرنر ی ڈسپنسریوں اور دیگر لائیو سٹاک مراکز پر بھیڑوں، بکروں اور مویشیوں کو مختلف متعدی و موسمی امراض سے بچانے کے لئے حفاظتی ٹیکے دستیاب ہیں لہٰذا جانوروں کو بروقت حفاظتی ٹیکے لگوانے کا عمل بھی یقینی بنایاجائے۔

Facebook Twitter Google + Share on Whatsapp

سیالكوٹ،محكمہ لائیو سٹاك كی مویشی پال حضرات کو حاملہ بکریوں کو آخری ماہ ریوڑ سے الگ کرکے زود ہضم خوراک اور کرم کش ادویات پلانے کی ہدایت

متعلقہ عنوان :

مزید قومی خبریں