عمرہ زائرین کو جعل سازی سے بچانے کیلئے 113 مصدقہ عمرہ کمپنیوں کی فہرست ویب سائٹ پر جاری، پہلے تصدیق کریں اور پھر بکنگ کرائیں ، وزارت مذہبی امور

منگل 16 ستمبر 2025 19:50

اسلام آباد (اُردو پوائنٹ اخبارتازہ ترین - اے پی پی۔ 16 ستمبر2025ء) وزارت مذہبی امور نے عمرہ زائرین کو جعل سازی سے بچانے کے لئے 113 مصدقہ عمرہ کمپنیوں کی فہرست ویب سائٹ پر جاری کرتے ہوئے کہا ہے کہ پہلے تصدیق کریں اور پھر بکنگ کرائیں ۔

(جاری ہے)

منگل کو ایک بیان میں ترجمان مذہبی امور نے کہا کہ عمرہ کمپنیوں کی فہرست اسلامی سال 1447 ہجری کے لیے قابل عمل ہے۔ عمرہ زائرین بکنگ سے پہلے وزارت کی ویب سائٹ سے کمپنی کی لازمی تصدیق کریں۔ رقم کی ادائیگی بینک کے ذریعے کمپنی اکائونٹ میں کی جائے۔ عمرہ زائرین کمپنی سے ادائیگی رسید اور معاہدے کی کاپی لازمی حاصل کریں۔ عمرہ کمپنیوں سے ویزہ، فضائی ٹکٹ، ٹرانسپورٹ اور رہائش پر مشتمل مکمل پیکج بک کرایا جائے۔