دیرینہ دشمنی پر فریقین کے مابین فائرنگ سے ایک شخص جاں بحق ،تین راہگیر زخمی

بدھ 17 ستمبر 2025 12:50

لاہور(اُردو پوائنٹ اخبارتازہ ترین - این این آئی۔ 17 ستمبر2025ء)مناواں کے علاقے اعوان ڈھائے والا میں دیرینہ دشمنی پر فریقین کے مابین فائرنگ سے ایک شخص جاں بحق جبکہ تین راہگیر زخمی ہو گئے ۔ جاں بحق ہونے والے کی شناخت 28 سالہ فیاض کے نام سے ہوئی ہے ۔اطلاع ملتے ہی ایس پی کینٹ قاضی علی رضا بھاری نفری کے ہمراہ موقع پر پہنچ گئے۔

(جاری ہے)

ریسکیو ٹیموں نے فائرنگ کی زد میں آکر زخمی ہونے والے لیاقت، وقاص اور ایک نامعلوم شخص کو فوری ہسپتال منتقل کر دیا جبکہ قانونی کارروائی کے بعد لاش کو پوسٹمارٹم کے لئے مردہ خانے لیجایا گیا۔

ایس پی قاضی علی رضا کے مطابق واقعہ دیرینہ دشمنی کا نتیجہ معلوم ہوتا ہے، مختلف پہلوئوں پر تحقیقات جاری ہیں۔فائرنگ میں ملوث ملزمان کی گرفتاری کے لئے ٹیمیں تشکیل دے کر چھاپے مارے جا رہے ہیں۔واقعہ میں ملوث ملزمان جلد قانون کی گرفت میں ہوں گے۔