لاہورہائیکورٹ : احمد خان بچھر و احمد چٹھہ اپیلیں پروفاقی حکومت اور الیکشن کمیشن سے تین روز میں جواب طلب

بدھ 17 ستمبر 2025 22:18

لاہو(اُردو پوائنٹ اخبارتازہ ترین - آن لائن۔ 17 ستمبر2025ء)لاہور ہائیکورٹ نے نو مئی کے واقعات میں سزا یافتہ سابق ایم پی اے احمد خان بچھر اور سابق ایم این اے محمد احمد چٹھہ کی نااہلی کے خلاف دائر انٹرا کورٹ اپیلوں پر فیصلہ جاری کر دیا ہے۔ عدالت نے وفاقی حکومت اور الیکشن کمیشن سے تین روز میں جواب طلب کر لیا ہے۔

(جاری ہے)

جسٹس احمد ندیم ارشد اور جسٹس وقار حیدر اعوان پر مشتمل دو رکنی بینچ نے اپیلوں پر سماعت کے بعد تحریری فیصلہ جاری کیا۔

عدالت نے اپنے فیصلے میں قرار دیا کہ بادی النظر میں فریقین کو سننا ضروری ہے، اسی لیے نوٹس جاری کیے جا رہے ہیں۔اپیل کنندگان نے اپنی درخواست میں مؤقف اپنایا کہ الیکشن کمیشن کے پاس درخواست گزاروں کو سنے بغیر نااہل کرنے کا کوئی قانونی اختیار نہیں تھا۔ اپیل میں استدعا کی گئی ہے کہ الیکشن کمیشن کی جانب سے جاری نااہلی کا نوٹیفکیشن کالعدم قرار دیا جائے۔