مسٹریونیورس کا ٹائٹل جیت کر گولڈ میڈل حاصل کرنے والے شہروزخان کا وطن واپسی پر کراچی ائیرپورٹ پر شاندار استقبال

جمعرات 18 ستمبر 2025 17:10

کراچی (اُردو پوائنٹ اخبارتازہ ترین - این این آئی۔ 18 ستمبر2025ء) تھائی لینڈ کے شہر پتایا میں ہونے والے تن سازی کے عالمی مقابلے میں 70 کلو گرام پلس کٹیگری میں مسٹر یونیورس کا ٹائٹل جیت کر گولڈ میڈل حاصل کرنے والے کراچی ملیر سے تعلق رکھنے والے تن ساز شہروز خان نے اپنی کامیابی کو پاکستانی عوام ، والدین، دوست احباب اور اپنے ٹرینرز کی دعاں کا نتیجہ قرار دیتے ہوئے حکومت سندھ سے درخواست کی ہے کہ وہ آئندہ ہونے والے عالمی مقابلوں میں ان کو سپورٹ کرے تاکہ وہ پاکستان اور صوبہ سندھ کا نام مذید روشن کرسکیں ۔

(جاری ہے)

یہ بات انہوں نے تھائی لینڈ سے کراچی واپسی پر ائیرپورٹ پر میڈیا سے گفتگو کرتے ہوئے کہی۔ تن ساز شہروز خان کی وطن واپسی پر ائیرپورٹ پر ان کے اہل خانہ اور مداحوں نے پرجوش استقبال کیا۔ شہروز خان نے بتایا کہ مذکورہ مقابلے میں دنیا بھر سے سو سے زائد ممالک کے تن سازوں نے حصہ لیا تھا اور انہیں فخر ہے کہ انہوں نے مقابلے میں مسٹر یونیورس کا ٹائٹل جیتا اور گولڈ میڈل حاصل کرکے پاکستان اور صوبہ سندھ کا نام بلند کیا ہے۔