Live Updates

سوارا بھاسکر کے شوہر نے کنگنا رناوت کو خراب سیاستدان کہہ دیا

کنگنا رناوت ایک بہترین اداکارہ ہیں لیکن سیاست میں وہ ناکام رہی ہیں

جمعرات 18 ستمبر 2025 11:05

ممبئی (اُردو پوائنٹ اخبارتازہ ترین - این این آئی۔ 18 ستمبر2025ء)بھارتی اداکارہ سوارا بھاسکر کے شوہر فہد احمد نے اداکاری سے سیاست کا رخ کرنے والی کنگنا رناوت کو خراب سیاستدان کہہ دیا۔بھارتی میڈیا رپورٹ کے مطابق فہد احمد نیکنگنا رناوت کی برائی کی تو ان کی اہلیہ نے اداکارہ کو خوش قسمت اور کبھی ہار نہ ماننے والی قرار دیا۔فہد احمد نیمزید کہا کہ کنگنا رناوت نے رکن پارلیمنٹ ہونے کے باوجود مانڈی کے سیلاب زدگان کیلیے خاطر خواہ کوشش نہیں کی۔

انہوں نے مزید کہا کہ کنگنا رناوت ایک بہترین اداکارہ ہیں لیکن سیاست میں وہ ناکام رہی ہیں۔

(جاری ہے)

سوارا بھاسکر نے شوہر کی رائے سے اختلاف کیا اور کنگنا رناوت کو بار بار خراب سیاستدان کہنے پر ٹوکا اور کہا کہ 50 بار مت کہو۔انہوں نے ساتھی اداکارہ کی طرف سے فہد اور انہیں شادی پر نیک خواہشات کے پیغام کا بھی تذکرہ کیا اور کہا کہ کنگنا رناوت خوش قسمت اور کبھی ہار نہ ماننے والی خاتون ہیں۔سوارا بھاسکر اور کنگنا رناوت کے سیاسی نظریات بالکل مختلف ہیں، ان کے درمیان سوشل میڈیا پر اکثر تلخ جملوں کا تبادلہ ہوتا ہے۔یاد رہے کہ 2023 میں سوارا بھاسکر اور فہد احمد کو شادی کی مبارک باد دی تھی اور لکھا تھا کہ شادیاں دلوں میں ہوتی ہیں ،باقی سب رسمی چیزیں ہیں۔