Live Updates

کیریبین پریمیئر لیگ، کوالیفائر ٹومیچ میں سینٹ لوشیا کنگز اورٹرنباگو نائٹ رائیڈرز کی ٹیمیں 20 ستمبر کو آمنے سامنے ہوں گی

جمعرات 18 ستمبر 2025 15:13

گیانا (اُردو پوائنٹ اخبارتازہ ترین - اے پی پی۔ 18 ستمبر2025ء) کیریبین پریمیئر لیگ اپنے آخری مراحل کی طرف گامزن ہے، لیگ میں20 ستمبر کو مزیدایک میچ کھیلا جائے گا،یہ کوالیفائر ٹو میچ ہوگا جس میں دفاعی چیمپئن سینٹ لوشیا کنگز اور ٹرنباگو نائٹ رائیڈرز کی ٹیمیں پراویڈنس سٹیڈیم گیاناکے مقام پر آمنے سامنے ہوں گی۔سی پی ایل کا تیرہواں ایڈیشن ویسٹ انڈیز میں جاری ہے جس میں شائقین کو دلچسپ اور کانٹے دار مقابلے دیکھنے کو مل رہے ہیں ۔

لیگ میں دنیائے کرکٹ کے مختلف ممالک کے نامور کھلاڑی ایکشن میں نظر آتے ہیں جو اپنے اپنے فن کا مظاہرہ کرتے ہیں۔ لیگ میں 20 ستمبر بروز ہفتہ کو کھیلے جانے والے کوالیفائر ٹو میچ میں دفاعی چیمپئن سینٹ لوشیا کنگز اور ٹرنباگو نائٹ رائیڈرز کی ٹیمیں نبرد آزما ہوں گی۔

(جاری ہے)

اس لیگ میں 6 ٹیمیں ٹائٹل کے حصول کے لئے پنجہ آزمائی کررہی تھیں جن میں دفاعی چیمپئن سینٹ لوشیا کنگز ،گیانا ایمیزون واریئرز ، اینٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز اورٹرنباگو نائٹ رائیڈرزشامل ہیں ۔

لیگ میں فائنل سمیت 34میچز کھیلے جائیں گے۔ کیریبین پریمیئر لیگ کا آغاز 2013میں ہوا تھا۔ اس کے اب تک 12 ایڈیشن کھیلے جاچکے ہیں جن میں ٹرنباگو نائٹ رائیڈرز کی ٹیم سب سے زیادہ 4مرتبہ ٹائٹل جیت چکی ہے۔\932