کراچی‘ بچوں سے زیادتی کیس کے ملزم نے اعترافی بیان میں اپنا جرم قبول کرلیا

ملزم کو اعترافی بیان ریکارڈ کرنے کے بعد پڑھ کر سنایا گیا اور ملزم نے اپنا جرم قبول کیا ہے‘وکیل

منگل 23 ستمبر 2025 12:37

کراچی(اُردو پوائنٹ اخبارتازہ ترین - این این آئی۔ 23 ستمبر2025ء) بچوں سے زیادتی کیس کے ملزم نے اعترافی بیان میں اپنا جرم قبول کرلیا۔کراچی کے جوڈیشل مجسٹریٹ جنوبی نے قیوم آباد میں کمسن بچوں اور بچیوں سے زیادتی کے کیس کی سماعت کی جس سلسلے میں پولیس نے ملزم کو عدالت میں پیش کیا، عدالت میں ملزم کا 6 مقدمات میں اعترافی بیان ریکارڈ کیا گیا۔ملزم کو اعترافی بیان ریکارڈ کرنے کے بعد پڑھ کر سنایا گیا اور ملزم نے اپنا جرم قبول کیا ہے۔

(جاری ہے)

واضح رہے کہ ایبٹ آباد کا رہائشی ملزم شبیر کراچی کے علاقے قیوم آباد میں شربت کا سٹال لگاتا تھا اور وہاں آئے معصوم بچوں کو اپنی ہوس کا نشانہ بناتا تھا۔کمسن بچوں اور بچیوں سے زیادتی کے کیس میں ملزم شبیر تنولی کو 11 ستمبر کو گرفتار کیا گیا تھا، متاثرہ بچیوں نے جج کے روبرو پیش ہو کر ملزم کی شناخت کروائی تھی۔متاثرہ بچیوں نے عدالت میں بیان دیتے ہوئے کہا تھا کہ اسی ملزم (شبیر احمد تنولی) نے ہمارے ساتھ زیادتی کی تھی۔