مکئی کی فصل جڑی بوٹیوں سے پاک رکھنے کےلئے 2سے3 مرتبہ گوڈی کی جائے،محکمہ زراعت پنجاب

بدھ 24 ستمبر 2025 13:47

فیصل آباد (اُردو پوائنٹ اخبارتازہ ترین - اے پی پی۔ 24 ستمبر2025ء) محکمہ زراعت نے کہا ہے کہ کاشتکار مکئی کی فصل کو جڑی بوٹیوں سے پاک رکھنے کےلئے 2سے3 مرتبہ گوڈی کریں،ان کی بروقت تلفی یقینی بنائیں اور آخری گوڈی پر کھیلیاں بناتے ہوئے پودوں پر مٹی چڑھا دیں تاکہ موسم کی تبدیلی کے باعث تیز ہوائیں چلنے اور آندھی آنے سے مکئی کی فصل گرنے سے محفو ظ رہ سکے۔

(جاری ہے)

یہ بات ڈپٹی ڈائریکٹر محکمہ زراعت توسیع فیصل آبادعدیل احمدنے کاشتکاروں کو آگاہ کیا کہ مکئی کو کم از کم 6سے8مرتبہ پانی ضرورلگایاجائے اور آبپاشی کا وقفہ فصل کی صورتحال کو دیکھ کر کم یازیادہ کیاجاسکتاہے تاہم ا س بات کا بھی خاص خیال رکھنا چاہیے کہ مکئی کی فصل پانی کی زیادتی برداشت نہیں کرتی لہٰذا اگر کھیت میں فالتو پانی موجود ہو تو فوری طور پر اسے نکالنے کا بندوبست کیاجائے۔انہوں نے کہا کہ مکئی کا قد ایک سے ڈیڑھ فٹ ہونے پر یوریا کھاد کی پونی بوری فی ایکڑ ڈالنی چاہیے نیز کیڑوں کے خاتمہ کےلئے کیمیائی انسداد بھی ضروری ہے۔