لاہور میں درجہ حرارت میں اضافہ، فضائی آلودگی خطرناک سطح پرپہنچ گئی

بدھ 24 ستمبر 2025 21:59

لاہور(اُردو پوائنٹ اخبارتازہ ترین - آن لائن۔ 24 ستمبر2025ء) سورج کی تپش سے شہر کا درجہ حرارت بڑھ گیا ہے اور شہر کا موجودہ درجہ حرارت 31 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 37 ڈگری تک جانے کا امکان ہے۔

(جاری ہے)

محکمہ موسمیات کے مطابق ہوا میں نمی کا تناسب 60 فیصد ریکارڈ کیا گیا ہے اور آج لاہور کا موسم گرم اور خشک رہے گا جبکہ بارش کا کوئی امکان نہیں ہے۔ شہر میں فضائی آلودگی کی شرح بھی خطرناک حد تک پہنچ گئی ہے اور ائیر کوالٹی انڈیکس 175 ریکارڈ کیا گیا، جس کے بعد لاہور فضائی آلودگی کے اعتبار سے دنیا بھر میں دوسرے نمبر پر آ گیا ہے۔