انگلش پریمیئر فٹ بال لیگ میں ہفتہ کو مزید 6میچ کھیلے جائیں گے

جمعہ 26 ستمبر 2025 12:52

لندن (اُردو پوائنٹ اخبارتازہ ترین - اے پی پی۔ 26 ستمبر2025ء) انگلش پریمیئر فٹ بال لیگ میں انتہائی دلچسپ اور کانٹے دار مقابلوں کا سلسلہ اپنے عروج کو پہنچ کا ہے۔ ای پی ایل میں کل (ہفتہ کو )مزید 6 میچوں کا فیصلہ ہوگا۔ پہلا میچ برینٹ فورڈ اور مانچسٹر یونائیٹڈ کی ٹیموں کے درمیان جی ٹیک کمیونٹی سٹیڈیم، لندن میں کھیلا جائے گا،دوسرا میچ چیلسی اور برائٹن اینڈ ہوو البیون کی ٹیموں کے درمیان سٹیمفورڈ برج، لندن میں کھیلا جائے گا،تیسرے میچ میں کرسٹل پیلس اور دفاعی چیمپئن لیورپول کی ٹیمیں آمنے سامنے ہوں گی اور یہ میچ سیلہرسٹ پارک، لندن میں کھیلا جائے گا، چوتھا میچ لیڈز یونائیٹڈ اور بورن مائوتھ کی ٹیموں کے درمیان ایلنڈ روڈ، لیڈز میں کھیلا جائے گا،پانچواں میچ مانچسٹر سٹی اور برنلے کی ٹیموں کے درمیان اتحاد سٹیڈیم، مانچسٹرمیں کھیلا جائے گاجبکہ 27 ستمبر کا چھٹا اور آخری میچ ناٹنگھم فارسٹ اور سنڈرلینڈ کے درمیان دی سٹی گرائونڈ ناٹنگھم میں کھیلا جائے گا۔

(جاری ہے)

یہ مجموعی طور پر ٹاپ فلائٹ انگلش فٹ بال کا 127واں ایڈیشن ہوگاجس کے شیڈول کا اعلان 18 جون 2025 کو کیا گیا تھا۔ لیورپول کی ٹیم ای پی ایل میں اپنے اعزاز کا دفاع کرے گی،جس نے گزشتہ سیزن میں اپنا دوسرا ای پی ایل ٹائٹل اپنے نام کیا تھا اور مجموعی طور پر بیسواں انگلش ٹاپ فلائٹ تاج اپنے سر سجایا تھا ۔ انگلش پریمیئر لیگ کے آئندہ سیزن میں شامل 20 کلبوں کی ٹیموں میں دفاعی چیمپئن لیورپول،آرسنل،آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس،ایورٹن،فلہم،لیڈز یونائیٹڈ،مانچسٹر سٹی،مانچسٹر یونائیٹڈ،نیوکیسل یونائیٹڈ،ناٹنگھم فارسٹ،سنڈرلینڈ،ٹوٹنہم ہاٹ پور،ویسٹ ہیم یونائیٹڈ اور وولور ہیمپٹن شامل ہیں۔

Facebook Twitter Google + Share on Whatsapp

انگلش پریمیئر فٹ بال لیگ میں ہفتہ کو مزید 6میچ کھیلے جائیں گے

مزید کھیلوں کی خبریں