Live Updates

عرفان پٹھان پاکستان کی بولنگ کی تعریف کئے بغیر نہ رہ سکے

جمعہ 26 ستمبر 2025 20:17

دبئی (اُردو پوائنٹ اخبارتازہ ترین - این این آئی۔ 26 ستمبر2025ء)دبئی انٹرنیشنل کرکٹ اسٹیڈیم میں بنگلادیش کے خلاف شاندار کامیابی کے بعد سابق بھارتی آل رائونڈر عرفان پٹھان نے پاکستان کی بولنگ لائن کو سراہا۔

(جاری ہے)

عرفان پٹھان نے سوشل میڈیا پلیٹ فارم ایکس پر لکھا کہ ایشیا کپ کی تاریخ میں پہلی بار بھارت اور پاکستان کی ٹیمیں فائنل میں آمنے سامنے ہوں گی اور اس دوران پاکستان کی ٹیم نے خاص طور پر بولنگ کے شعبے میں نمایاں بہتری دکھائی ہے۔انہوں نے کہا کہ بھارت نے اس پورے ٹورنامنٹ میں اپنی بالادستی ثابت کی ہے اور دوسرے ممالک کے ساتھ فرق واضح دکھائی دیتا ہے۔خیال رہے کہ پاکستان نے جمعرات کو سپر فور مرحلے کے اہم میچ میں بنگلادیش کو 11 رنز سے شکست دے کر فائنل میں جگہ بنائی ہے۔